ખેડાના સેવાલિયાથી બે નકલી વ્યંઢળ ઝડપાયા, વીડિયો વાઇરલ

ખેડા જીલ્લાના ગળતેશ્વરના સેવાલીયા ખાતેથી 2 નકલી વ્યંઢળને લોકોએ ઝડપી પાડ્યા હતા. તેઓ કિશોરના ગળામાંથી સોનાની ચેઈન લઈ ભાગવા જતા હતા. તે દરમિયાન સ્થાનિકો તેમજ અસલી વ્યંઢળોએ બંનેને મેથીપાક ચખાડી પોલિસ હવાલે કર્યા હતા. જેનો વીડિયો પણ સોશીયલ મીડિયામાં વાઇરલ થયો છે.

• ખેડાના સેવાલિયાથી બે નકલી વ્યંઢળ ઝડપાયા
• કિશોરના ગળામાંથી ચેઈન લઈ ભાગવા જતાં લોકોએ ઝડપ્યા
• સ્થાનિકો તેમજ અસલી કિન્નર દ્વારા બંનેને મેથીપાક ચખાડી પોલિસ હવાલે કર્યા
• સમગ્ર ઘટનાનો વિડીયો સોશીયલ મીડીયામાં વાયરલ

ખેડા જિલ્લાના ગળતેશ્વરના સેવાલિયામાં બે નકલી વ્યંઢળ ઝડપાયા હતા. થર્મલ પાવર ખાતે આવેલી નાલંદા સોસાયટીમાંથી એક કિશોરના ગળામાંથી સોનાની ચેઈન લઈ બંને વ્યંઢળો ભાગી છૂટયા હતા. જેને સ્થાનિક લોકો દ્વારા ઝડપી મેથીપાક ચખાડ્યો હતો. બાદમાં લોકોએ અસલી વ્યંઢળોને બોલાવ્યા હતા. જ્યાં અસલી કિન્નરોએ પણ નકલી કિન્નરો પર ધોકાવાળી કરી બંનેને મેથીપાક ચખાડ્યો હતો.

ખેડાના સેવાલિયાથી બે નકલી વ્યંઢળ ઝડપાયા, વીડિયો વાઇરલ

સેવાલિયા પોલિસ દ્વારા કાર્યવાહી હાથ ધરાઈ

આ અંગે સેવાલિયા પોલીસને જાણ કરવામાં આવતા સેવાલિયા પોલીસ દ્વારા બંને વિરુદ્ધ કાયદેસર કાર્યવાહી હાથ ધરવામાં આવી છે. પર્વતભાઇ નંદુભાઇ રાઠોડ અને તેનો સાથી સંદીપભાઈ ચમનભાઈ પરમાર બંને રાજકોટથી આવ્યા હતા. જે નકલી વ્યંઢળના વેશમાં ફરી લોકો પાસેથી રૂપિયા ઉઘરાવતા હતા.બંને વિરુદ્ધ પોલીસ દ્વારા કાર્યવાહી હાથ ધરવામાં આવી છે.આ સમગ્ર ઘટનાનો વિડીયો પણ સોસિઅલ મીડીયામાં વાયરલ થવા પામ્યો છે.