બાળગોપાલ ફાઉન્ડેશન UK દ્વારા ગ્રામ્ય વિસ્તારની શાળાઓને દત્તક લઈને વિદ્યાર્થીઓને ઉચ્ચતમ શિક્ષણ મળે અને શરીર તંદુરસ્ત રહે તે માટે અનેક સેવાકીય કાર્યો કરવામાં આવી રહ્યા છે. જે અંતર્ગત પીપળાતાની સ્વસ્તિક હાઈસ્કૂલ ખાતે રૂ.5 લાખના ખર્ચે નવનિર્મિત મધ્યાહ્ન ભોજન યોજનાના રસોડાનું તથા રૂ.1 લાખના ખર્ચે નિર્મિત ઠંડા પાણીની પરબનું વિધાનસભાના મુખ્યદંડક પંકજભાઈ દેસાઈના હસ્તે લોકાર્પણ કરવામાં આવ્યું હતું.
આ ઉપરાંત સ્કૂલના ૩૬૫ વિદ્યાર્થીઓને સ્કૂલ કીટ,બે જોડી યુનિફોર્મ.તથા બુટ મોજાનું પણ વિતરણ કરવામાં આવ્યું હતું. આ પ્રસંગે મુખ્યદંડક પંકજભાઈ દેસાઈએ ફાઉન્ડેશનની પ્રવૃત્તિઓને બિરદાવીને દાતાઓને અભિનંદન પાઠવ્યા હતા.
