ખેડા: થોડા સમય પહેલા કપડવંજ નગરપાલિકા દ્વારા એક વ્યક્તિને ભાડાપટ્ટે દુકાન આપવામાં આવી હતી.જેમાં ભાડૂઆત દ્વારા ગેરકાયદેસર બાંધકામ કરવામાં આવ્યું.આ બાંધકામ દૂર કરવા માટે નગરપાલિકા સભ્યો દ્વારા અવારનવાર રજૂઆતો કરવામાં આવી હતી. તેમ છતા બાંધકામ દૂર કરવામાં આવ્યું ન હતું.
આથી ગેરકાયદેસર બાંધકામ દૂર કરવાની માંગ સાથે ગુરુવારે સભ્યો દ્વારા પ્રતીક ઉપવાસ યોજવામાં આવ્યા હતા. છેવટે ભાડૂઆત દ્વારા નગરપાલિકા સભ્યોને ગેરકાયદેસર રીતે કરવામાં આવેલું બાંધકામ દૂર કરવાની લેખિત બાંહેધરી આપવામાં આવતા નગરપાલિકા સભ્યો દ્વારા ઉપવાસ આંદોલન સમેટી લેવાયું હતું.
