- 250 રસીકરણ કેન્દ્રો પર બે હજારથી વધુ નાગરીકોએ રસી મૂકાવી
- મહીસાગર જિલ્લાના નાગરિકોએ “દવાઇ ભી ઓર કડાઇ ભી” ના સુત્રમાં સુર પુરાવ્યો
- વડા પ્રધાનના આહવાનને પગલે આજે હું રસીકરણ કરાવવા માટે આવ્યો છું
- વેક્સિન લીધા બાદ પણ કોરોના બાબતે તમામ સાવચેતીઓનું પાલન કરવું જરૂરીમહીસાગર જિલ્લાના 250 સ્થળોએ "ટીકાકરણ મહોત્સવ"નો આરંભ
મહીસાગરઃ જિલ્લામાં ટીકાકરણ મહોત્સવને સફળ બનાવવા જિલ્લા વહીવટી તંત્ર દ્વારા 250 સ્થળોએ કોરોના પ્રતિરોધક રસીકરણનો કાર્યક્રમ યોજવામાં આવી રહ્યો છે. જિલ્લામાં આરોગ્ય કેન્દ્રો તેમજ નાગરીકોને સરળતાથી પહોંચી શકાય તેવા સ્થળોએ રસીકરણ બુથ શરૂ કરવામાં આવ્યા છે. જેમાં જાહેર જનતાનો ઉમદો પ્રતિસાદ મળ્યો હતો.
આ પણ વાંચોઃ દાંતા તાલુકા મથકે સામુહિક આરોગ્ય કેન્દ્રમાં કોરોના રસીકરણ શરૂ
વેક્સિન લીધા બાદ પણ તમામ સાવચેતીઓનું પાલન કરવું જરૂરી
જિલ્લાના મધવાસ પ્રાથમિક આરોગ્ય કેન્દ્ર ખાતે કોરોના વિરોધી રસીનો પ્રથમ ડોઝ ગ્રહણ કરનાર ચેતનભાઇ પરષોત્તમભાઇ પટેલે જણાવ્યું હતું કે, વડા પ્રધાનના આહવાનને પગલે હું રસીકરણ કરાવવા માટે આવ્યો છું. સૌ નાગરિકો જેમનો વેક્સિન માટે વારો આવી ગયો છે, તેઓ સૌ સત્વરે વેક્સિન લઇ લે, વેક્સિન લીધા બાદ પણ કોરોના બાબતે તમામ સાવચેતીઓનું પાલન કરવું જરૂરી છે. ફરજિયાત માસ્ક પહેરવું અને બે ગજ દૂરીનું પાલન કરવું. આ બાબતે સરકારે બહાર પાડેલી માર્ગદર્શીકાનું ચુસ્ત પાલન કરવું જોઇએ અને આપણે સૌ “રસી મુકાવી સુરક્ષિત થઇએ”.
રસીનો બીજો ડોઝ લઇ પાત્રતા ધરાવતા લોકોએ સંકોચ રાખ્યા વગર રસી મુકાવવા કરી અપીલ
ગામના અન્ય એક રસી લેનાર મહિલા લાભાર્થી ઉષાબેન હિતેશભાઇ પટેલે રસી મુકવ્યા બાદ કોઇ તકલીફ થતી નથી તેમ જણાવ્યું હતું. વધુમાં જ્યારે ઘરથી બહાર નીકળીએ એટલે ફરજિયાત માસ્ક પહેરવું, જાહેર સ્થળોએ સામાજિક અંતરનું પાલન કરવું, વારંવાર હાથ સેનિટાઇઝર કે સાબુથી ધોવા જરૂરી છે, તો જ આપણે કોરોનાને કાયમ માટે નાબૂદ કરી શકીશું તેમ જણાવી સૌને રસી મુકાવવા અપીલ કરી હતી.
આ પણ વાંચોઃ ડાંગ જિલ્લામાં બીજા તબક્કાનું રસીકરણ શરૂ કરવામાં આવ્યું
બધાએ કોરોના વિરોધી રસીકરણ કરાવવું જોઇએ
મોટા સોનેલા આરોગ્ય કેન્દ્ર પર રસીનો ડોઝ ગ્રહણ કરનાર ઘનશ્યામ સુથારે જણાવ્યું હતું કે, પ્રથમ ડોઝમાં કોઇ તકલીફ થઇ નથી. બધાએ કોરોના વિરોધી રસીકરણ કરાવવું જોઇએ. તેમણે રસીનો બીજો ડોઝ લઇ પાત્રતા ધરાવતા લોકોએ વડાપ્રધાનના આહવાનને અનુસરી જાગૃત થઇ સંકોચ રાખ્યા વગર રસી મુકાવવા અપીલ કરી હતી.
45 વર્ષથી વધુ વયના 1.75 લાખથી વધુ લોકોએ રસીકરણ કરાવ્યું
જિલ્લામાં અત્યાર સુધીમાં 45 વર્ષથી વધુ વયના 1.75 લાખથી વધુ લોકોએ રસીકરણ કરાવ્યું છે. જે નિયત લક્ષ્યાંકના અંદાજીત 65 ટકા જેટલુ થવા જઇ રહ્યું છે. આ ઉપરાંત રસીકરણ કેન્દ્ર ખાતે કોરોના મહામારીની બીજી લહેરથી બચવા માસ્ક, સોશિયલ ડિસ્ટન્સ, સેનિટાઇઝેશનની સાથે-સાથે વેક્સિનેશનનું પણ એટલું જ મહત્વનું છે, એવી સમજ નાગરિકોને આપવામાં આવી હતી.
