કોંગ્રેસનો પરંપરાગત ગઢ ગણાતી ખેડા લોકસભા બેઠક પર ખિલ્યું કમળ

ખેડાઃ પરંપરાગત રીતે કોંગ્રેસનો ગઢ ગણાતી ચરોતરની ખેડા લોકસભા બેઠક પર ફરી એક વખત ભવ્ય વિજય મેળવી ભાજપે જંગી જીતની સાથે ખેડા લોકસભા ચૂંટણીના ઇતિહાસમાં બે રેકોર્ડ નોંધાવ્યા છે.

તાજેતરમાં આવેલા લોકસભા ચૂંટણીના પરિણામમાં ખેડા લોકસભા બેઠકના ભાજપના ઉમેદવાર દેવુસિંહ ચૌહાણે 7,14,572 મત મેળવ્યા હતા. જ્યારે કોંગ્રેસના ઉમેદવાર બિમલ શાહને 3,47,145 મત મળ્યા હતા. જેમાં 3,67,145 મતોની ભારે લીડથી કોંગ્રેસને હાર આપી હતી. ખેડા લોકસભા બેઠક પર આ ભવ્ય જીત સાથે જ ખેડા લોકસભા ચૂંટણીના ઈતિહાસમાં બેઠક પર સૌથી વધુ લીડ મેળવનાર પક્ષ ભાજપ બન્યો છે. તેમજ કોંગ્રેસ સિવાય સતત બીજી વખત કોઈ અન્ય પક્ષ જીત્યો હોય તો તે ભાજપ છે જે પ્રથમવાર બન્યું છે.