ડાકોરના રણછોડરાયજી મંદિરમાં છેલ્લા ઘણા સમયથી ખાલી પડેલી મેનેજરની જગ્યા ભરવામાં આવી છે. મંદિરનો બહોળો વહીવટ હોવાને લઈને ટેમ્પલ કમીટિ દ્વારા બે મેનેજરની નિમણૂક કરવામાં આવી છે.જેમાં મેનેજર તરીકે અરવિંદભાઈ મહેતા તથા ડાકોરના જે.પી.દવેની ડેપ્યુટી મેનેજર તરીકે નિમણૂક કરવામાં આવી છે.
ડાકોરમાં ટેમ્પલ કમિટી દ્વારા નવા મેનેજરની નિમણૂંક
અરવિંદભાઈ મૂળ ડાકોરના વતની અને રિટાયર્ડ એસપી છે. હાલ વડોદરા ખાતે રહે છે.જ્યારે જે.પી. દવે પણ ડાકોરના રહેવાસી છે. તેઓ રિટાયર મામલતદાર છે.બંને મેનેજર મંદિરમાં પોતાની સ્વૈચ્છીક માનદ સેવા આપશે.તેઓએ પોતાની નિમણુંક કરી રણછોડરાયજીની સેવા કરવાની તક આપવા બદલ ખુશી વ્યક્ત કરી ટેમ્પલ કમિટીનો આભાર માન્યો હતો.
