નડિયાદ નજીક ટ્રક પાછળ ઇકો કાર ઘૂસી જતા સર્જાયો અકસ્માત, 3ના મોત, 5ઇજાગ્રસ્ત

ખેડા જિલ્લામાં આવેલા નડિયાદ શહેર પાસે અમદાવાદ વડોદરા એક્સપ્રેસ હાઇવે પર ટ્રક અને ઈકો કાર વચ્ચે અકસ્માત સર્જાયો હતો. આ અકસ્માતમાં ઘટના સ્થળે જ 3 વ્યક્તિના મોત થયા હતા, જ્યારે 5 લોકોને ઈજા પહોંચી હતી. ઇજાગ્રસ્તોને સારવાર અર્થે હોસ્પિટલ ખસેડવામાં આવ્યા છે.

• હાઈવે પર ઉભેલી ટ્રકમાં ઈકો કાર ઘૂસી જતા અકસ્માત
• અમદાવાદ વડોદરા એક્સપ્રેસ હાઇવે પર સર્જાયેલા અકસ્માતમાં 3ના મોત, 5 ઇજાગ્રસ્ત
• નડિયાદના મહોળેલ ગામે રહેતા રાજસ્થાની પરિવારને નડ્યો અકસ્માત

ખેડા : અમદાવાદ વડોદરા એકસ્પ્રેસ હાઈવે પર ટ્રક અને ઈકો કાર વચ્ચે અકસ્માત સર્જાયો હતો. જેમાં ઘટના સ્થળે ત્રણ વ્યક્તિઓના મોત થયા હતા, જ્યારે 5 લોકોને ઇજા પહોંચી હતી. અમદાવાદ વડોદરા એક્સપ્રેસ હાઈવેની સાઈડમાં ઉભી રાખેલી ટ્રક પાછળ ઇકો કાર ઘૂસી જતા આ અકસ્માત સર્જાયો હતો. પૂરપાટ આવી રહેલી ઇકો કાર ધડાકાભેર ટ્રકમાં અથડાઈ હતી.

નડિયાદના મહોળેલ ગામે રહેતા રાજસ્થાની પરિવારને નડ્યો અકસ્માત

નડીયાદના મહોળેલ ગામે રહેતા રાજસ્થાની પરિવારને નડ્યો અકસ્માત

નડીયાદ તાલુકના મહોળેલ ગામે રહેતો મૂળ રાજસ્થાનના પાલી જિલ્લાના તખતગઢ ગામનો પરિવાર ઇકો કારમાં રાજસ્થાનથી પરત ફરી રહ્યો હતો. આ પરિવાર બાળકની બાધા કરવા માટે રાજસ્થાન ગયો હતા. જ્યાંથી મંગળવારના રોજ તેમને પરત ફરી રહ્યાં હતાં. જે દરમિયાન રાજસ્થાની પરિવારને અકસ્માત નડ્યો હતો.

હાઈવે પર ઉભેલી ટ્રકમાં ઈકો કાર ઘૂસી જતા અકસ્માત

ઘટના સ્થળે ત્રણ લોકોના મોત, મહિલાનું માથું ધડથી અલગ થઈ ગયું

ભયંકર રીતે કાર ટ્રક સાથે અથડાતા કારનો કચ્ચરઘાણ નીકળી ગયો હતો. કારમાં સવાર બે બાળકી અને મહિલાના ઘટના સ્થળે જ મોત થયા હતા.અકસ્માતમાં મહિલાનું માથું ધડથી અલગ થઈ ગયું હતુ.

ઘટના સ્થળે ત્રણ લોકોના મોત, મહિલાનું માથું ધડથી અલગ થઈ ગયું

અકસ્માતમાં મૃતકોની યાદી

1. ટીસાબેન હરીશ સોની ઉમર વર્ષ - 41 વર્ષ
2. જીકીશા હરીશ સોની ઉમર વર્ષ - 15 વર્ષ
3. નયનાબેન નારાયણ સોની ઉમર વર્ષ - 17 વર્ષ

ઈજાગ્રસ્તોને સારવાર માટે નડિયાદ ખસેડાયા

અકસ્માતની ઘટનાની જાણ થતાં એક્સપ્રેસ હાઇવે પેટ્રોલિંગની ટીમ અને એમ્બ્યુલન્સ ઘટના સ્થળે પહોંચી હતી. આ અકસ્માતમાં એક વૃદ્ધા, એક પુરુષ અને ત્રણ બાળકો ઈજાગ્રસ્ત થયા હતા. જેમને સારવાર માટે તાત્કાલિક નડિયાદ સિવિલ હોસ્પિટલમાં ખસેડવામાં આવ્યા હતા.

આ પણ વાંચો -