ડાકોરમાં 2 કોમ વચ્ચે અથડામણ દરમિયાન પથ્થરમારો, 10 લોકો ઈજાગ્રસ્ત

ખેડાઃ ખેડા જિલ્લામાં ડાકોર પાસેના ઢુણાદરા ગામમાં ફટાકડા ફોડવા જેવી નાની વાતમાં બે કોમો વચ્ચે પથ્થમારો થયો હતો. જેમાં 10 લોકોને ઇજા પહોંચી છે. પોલીસે ઘટના સ્થળે પહોંચીને સમગ્ર ઘટનની તપાસ હાથ ધરી છે.

ઠાસરા તાલુકામાં ડાકોર પાસે ઢુણાદરામાં બે કોમ વચ્ચે પથ્થમારો થયો હતો. વરઘોડામાં ફટાકડાં ન ફોડવા દેવા જેવી નાની વાતમાં બે કોમ વચ્ચે અથડામણ થઇ હતી. જેને થાળે પાડવા ઠાસરા પોલીસ ઘટના સ્થળે પહોંચી હતી.

આ ઘટનામાં 10 લોકોને ઇજા પહોંચી છે. એમને સારવાર અર્થે હોસ્પિટલ ખસેડવામાં આવ્યા છે. વધુ તપાસ અર્થે ડાકોર પોલીસે ગુનો નોંધી આગળની કાર્યવાહી હાથ ધરી છે.