જૂનાગઢમાં સરકારના નાક અને સરકારની નજર સામે ઉભા થઈ રહેલી આવી શિક્ષણની હાટડીઓ ચાલી રહી છે. જેમાં આ માસુમ વિદ્યાર્થીઓએ તેમનો જીવ આપીને સરકારની મીઠી નજરની આકરી કિંમત ચૂકવવી પડી છે. જૂનાગઢ શહેરમાં આવેલા વિવિધ ખાનગી ટ્યુશન ક્લાસીસના સ્થળ ચકાસણી કરતાં એક પણ ટ્યુશન ક્લાસીસ કે જેમાં આગથી લઈને કોઈ આકસ્મિક દુર્ઘટનાઓને પહોંચી વળે તેવી કોઈ પણ વ્યવસ્થા જોવા મળી ન હતી.
એક સાથે 200 કે 500 વિદ્યાર્થીઓને એક સમયે આરામથી આ ટ્યુશન સંસ્થાઓમાં વિદ્યાર્થીઓને જવા અને બહાર નીકળવા માટે માત્ર એક જ દરવાજો રાખવામાં આવ્યો હતો. કોઈપણ આકસ્મિક પરિસ્થિતિમાં એક દરવાજો કેટલું ઉપયોગી બને અથવા તો એક દરવાજો અકસ્માતને કેટલું મોટું સ્વરૂપ આપી શકે તે સમજાવવાની જરૂર નથી. શહેરમાં આડેધડ શૈક્ષણિક સંસ્થાઓ શિક્ષણના નામે હાટડાઓ ચલાવી રહ્યા છે. જેમાં વિદ્યાર્થીઓના વાલીઓ પણ લાખો રૂપિયાની ફી આપીને આં હાટડાઓના માલિકોને અલમસ્ત બનાવી રહ્યા છે.
ત્યારે સુરત જેવી ઘટના ગુજરાતના કોઈપણ જિલ્લામાં ઘટી શકે છે, તેવો સંદેશો જૂનાગઢના લોકોએ વ્યક્ત કર્યો છે,તો સરકાર અને સ્થાનિક વહીવટી તંત્ર આ બાબતે આકરૂ અને પક્ષપાત વગરનું વલણ દાખવીને ધારાધોરણ વિના ચાલતી આવી સંસ્થાઓ બંધ નહીં કરાવે માત્ર બંધ જ નહીં પરંતુ બંધ થયેલી એક સંસ્થા ફરી ક્યારેય શરૂ ના થાય તેવા પગલા ભરે તો બની શકે કે સુરતમાં ઘટેલી ઘટનાને આપણે અંતિમ ઘટના છે, એવું કહી શકીએ
પરંતુ આરંભે સૂરા એમ ગઇકાલના અકસ્માત બાદ સમગ્ર રાજ્યનો વહીવટીતંત્ર ટ્યુશન ક્લાસીસ ઉપર દારૂના અડ્ડાની માફક તૂટી પડયું છે, પરંતુ આ કામગીરી માત્ર બે દિવસ પૂરતી મર્યાદિત હશે બે દિવસ પછી ઘીના ઠામમાં ઘી પડી જશે અને ફરી પાછી આ જ અમાન્ય સંસ્થાઓ કે જે સરકારના ચોપડે ગેરલાયક છે અમાન્ય છે પુરતી સુવિધા નથી તેવી સંસ્થાઓ ફરી પાછી ધમધમતી હશે અને ફરી પાછી કોઈ નવી અકસ્માતની ઘટના ન ઘટે ત્યાં સુધી બેરોકટોક ચાલતી રહેશે
