જૂનાગઢ, માંગરોળ અને માળીયા હાટીના તાલુકામાં સદંતર બંધ

જનતા કરફ્યૂને લઈને જૂનાગઢ, માંગરોળ અને માળીયા હાટીના તાલુકામાં સદંતર બંધ રાખવામાં આવ્યું હતું. કોરોના વાઇરસના કારણે લોકએ જ કરફ્યૂ લગાવવાનો નિર્ણય કરતાં માંગરોળ તેમજ માળીયા હાટીના તાલુકાઓ સદંતર બંધ રહ્યા હતા. જયારે માંગરોળ અને માળીયા હાટીના તાલુકાના તમામ ગામડાઓ પણ બંધ જોવા મળ્યા હતાં. લોકોએ સ્વેચ્છીક બંધ પાળ્યો હતો.

જૂનાગઢઃ માંગરોળના ગામડાઓ જનતા કરફ્યૂમાં જોડાયા હતા. જૂનાગઢ, માંગરોળ, માળીયા હાટીના ખાતે લોકોએ કરફ્યૂ પાળીને 5 વાગે થાળી વેલણ વગાડાયા હતા. બીજી તરફ માંગરોળ પંથકના ગોરેજ ગામે લોકોએ ઢોલક, થાળી અને શંખ વગાડયા હતા.

કેશોદ શહેરમાં જનતા કરફ્યૂને પ્રતિસાદ આપવાની વડાપ્રધાનની અપીલને લઈને લોકો સસ્વયંભુ જનતા કરફ્યૂમાં જોડાયા હતા. કેશોદમાં થાળી વેલણ વગાડી ફટાકડા ફોડવામાં આવ્યા હતા.વડાપ્રધાનની અપીલને લઈને બરોબર પાંચ વાગ્યે લોકોએ મોટી સંખ્યામાં થાળી વેલણ વગાડી અભિવાદ કર્યુ હતુ.