લોકસભાની ચૂંટણીને હવે ગણતરીના દિવસો બાકી છે, ત્યારે ચૂંટણી પ્રચારમાં હવે ગરમાવો આવે તેવી શક્યતા છે. આગામી 10 એપ્રિલના રોજ વડા પ્રધાન નરેન્દ્ર મોદી જૂનાગઢમાં ચૂંટણી સભાને સંબોધવા આવી રહ્યા છે. મોતીબાગ મેદાનમાં ચૂંટણી સભાનું આયોજન થઇ રહ્યું છે. વડા પ્રધાન નરેદ્ર મોદી જૂનાગઢ અને પોરબંદર બેઠકના ભાજપના ઉમેદવાર રાજેશ ચુડાસમા અને રમેશભાઈ ધડુકના સમર્થનના ચૂંટણી પ્રચાર અર્થે જૂનાગઢ આવી રહ્યા છે.
અત્રે ઉલ્લેખનીય છે કે, ભાજપના હાઈ કમાન્ડ દ્વારા જે સીટ પર ઉમેદવારને લઈને થોડી ચિંતા છે. તેવી સીટ પર વડા પ્રધાન નરેન્દ્ર મોદીને પ્રચારમાં ઉતારીને ફરી એક વખત 2014 જેવો માહોલ મતદારો સમક્ષ ઉભો કરીને નબળી ગણાતી સીટને જીતવાના પ્રયાશ રૂપે નરેન્દ્ર મોદીની સભાનું આયોજન થઇ રહ્યું છે.
