વિશ્વ સ્તરે ડંકો વગાડનાર જૂનાગઢના ડૉ. અનિતાએ યોગ ક્ષેત્રમાં ભારતને અપાવ્યું ગૌરવ

જૂનાગઢ શહેરની સરકારી આયુર્વેદિક હોસ્પિટલમાં તબીબ તરીકે ફરજ બજાવતાં અનિતા કટારીયાS યોગમાં ખૂબ મહારત હાંસલ કરી છે. વિશ્વની અજાયબી પર પણ ભારતનો ડંકો વગાડવામાં સફળતા મેળવી છે.

• સરકારી આયુર્વેદિક હોસ્પિટલના તબીબ અનિતા કટારીયાએ યોગમાં ખૂબ મહારત હાંસલ કરી
• અનિતા કટારીયા યોગમાં ચાઇનામાં ભારતનું પ્રતિનિધિત્વ કર્યુ
• વિશ્વની અજાયબી પર પણ ભારતનો ડંકો વગાડ્યો

જૂનાગઢઃ શહેરની સરકારી આયુર્વેદિક હોસ્પિટલમાં તબીબ તરીકે ફરજ બજાવતાં અનિતા કટારીયા યોગમાં ખૂબ મહારત હાંસલ કરી છે. ડૉક્ટર અનિતા કટારિયાએ વર્ષ 2018માં ચાઇનામાં ભારતનું પ્રતિનિધિત્વ કરીને ત્યાંના લોકોની સાથે વોલ ઓફ ચાઇના પર યોગના અભ્યાસ કરીને વિશ્વની અજાયબી પર પણ ભારતનો ડંકો વગાડવામાં સફળતા મેળવી હતી.

● જૂનાગઢના મહિલા તબીબ અનિતા કટારીયા યોગમાં છે પારંગત

જૂનાગઢની સરકારી આયુર્વેદિક કોલેજ માં તબીબ તરીકે ફરજ બજાવતાં અનિતા કટારીયા યોગમાં મહારથ હાંસલ કરીને સંત અને શૂરાની ભૂમિ એવા જૂનાગઢને યોગના ક્ષેત્રમાં ખૂબ મોટું બહુમાન અપાવ્યું છે. ડૉક્ટર અનિતા કટારિયાએ વર્ષ 2018 માં ભારતનું પ્રતિનિધિત્વ કરીને ચાઇના ગયા હતા જ્યાં તેમણે વિશ્વની અજાયબી એવી ચાઈનાની દીવાલ પર પણ યોગ કરીને અહીં પણ ભારતનો ડંકો વગાડવામાં સફળતા મેળવી હતી. વર્ષ 1993 થી લઈને 2019 સુધી ઓપન ગુજરાત યોગ સ્પર્ધામાં પ્રથમ રહીને યોગને ઘર સુધી પહોંચાડવામાં અનિતા કટારીયાનું વિશેષ યોગદાન જૂનાગઢ શહેર અને જિલ્લામાં જોવા મળે છે.

● યોગમાં પ્રતિભા ધરાવતા આનિતા કટારિયાતબીબ અનિતા કટારીયા યોગમાં એટલા પારંગત જોવા મળી રહ્યા છે કે તેમણે સ્થાનિકથી લઇને રાષ્ટ્રીય અને આંતરરાષ્ટ્રીય એવોર્ડ પણ મેળવવામાં સફળતા પ્રાપ્ત કરી છે. જૂનાગઢના સ્થાનિક એવોર્ડ એવા જૂનાગઢ નારીરત્નથી લઈને વિશ્વ ઓપન યોગ સ્પર્ધામાં ગોલ્ડ મેડલ મેળવવાનું બહુમાન પણ ડોક્ટર અનિતા કટારીયા ધરાવે છે. ખેલ મહાકુંભમાં પણ યોગના ક્ષેત્રમાં તેમને પરાસ્ત કરવા આજે પણ મુશ્કેલ છે. ખેલ મહાકુંભમાં પણ તેમણે પાંચ કરતાં વધુ વખત ભાગ લઈને ગોલ્ડ મેડલ પણ મેળવ્યો છે. તત્કાલીન મુખ્યપ્રધાન અને વર્તમાન વડાપ્રધાન નરેન્દ્ર મોદીએ પણ અનિતા કટારીયાનુ તેમની વિશેષ સિદ્ધિ બદલ બહુમાન પણ કર્યું છે.● વિશ્વ સ્તરે વગાડ્યો ભારતનો ડંકો

વર્ષ 2013માં વિશ્વ યોગ સ્પર્ધાઓમાં ભાગ લઈને અનિતા કટારિયાએ સુવર્ણ ચંદ્રક મળીને ભારતની યોગ સિદ્ધિમાં વધુ એક સોનેરી પીંછનો ઉમેરો કર્યો છે. ડૉક્ટર અનિતા કટારીયા રાષ્ટ્રીય યોગ સ્પર્ધામાં ભાગ લઈને પાંચ જેટલા ગોલ્ડ મેડલ મેળવવામા પણ સફળ થયા છે. પ્રથમ વિશ્વ યોગ દિવસની ઉજવણીના પ્રસંગે ગિરનાર પર્વત પર પણ યોગ કરીને યોગ અને તેના મહત્ત્વને જૂનાગઢના પ્રત્યેક ઘર સુધી પહોંચાડવામાં મદદરૂપ બન્યા હતા. યોગમાં મહારત ધરાવનારા ડૉક્ટર અનિતા કટારીયા ખેલ મહાકુંભમાં પણ પાંચ વખત સુવર્ણ ચંદ્રક મેળવવામાં સફળ રહ્યા છે. વધુમાં તેઓને જૂનાગઢ નારીરત્ન સહિત અનેક એવોર્ડ પણ મળી ચૂક્યા છે. ડૉક્ટર અનિતા કટારીયા યોગના ક્ષેત્રમાં જે પ્રકારે મહારત ધરાવી રહ્યા છે. તે જૂનાગઢની પ્રત્યેક મહિલા માટે સફળતાની મિશાલ બની ચૂક્યા છે.