જામનગરના સેસન્સ જજ અને તેના પરિવારને જાનથી મારી નાખવાનો ધમકી ભર્યો પત્ર મળ્યો

જામનગરઃ સેસન્સ જજ તરીકે કાર્યરત ન્યાયાધીશ અને તેના પરિવારને જાનથી મારી નાખવાની ધમકી આપવામાં આવી છે. પ્રદર્શન ગ્રાઉન્ડ પાસે આવેલા જજીસ બંગલાના સરનામે કોઈ શખ્સે પત્ર પાઠવી આ કૃત્ય આચરતા સનસનાટી મચી ગઇ છે.

પ્રદર્શન ગ્રાઉન્ડ સામે સરકારી વસાહતમાં આવેલા જજીસ બંગલામાં રહેતા સેશન્સ જજ પંકજકુમાર રાવલના ઘરે કોઇ શખ્સ દ્વારા ધમકી ભર્યા પત્ર નાખીને જાનથી મારી નાખવાની પરોક્ષ ધમકી આપ્યાની સીટી એ ડીવીઝનમાં ફરિયાદ નોંધાતા ચકચાર મચી જવા પામી છે. સેશન્સ જજના પુત્ર મોનીલે નોંધાવેલી ફરિયાદ મુજબ ગત તારીખ 10/8થી આજ દિવસ સુધીના ગાળા દરમિયાન બંગલે ધમકી ભર્યા પત્ર નાખી પોતાના સેશન્સ જજ તરીકે ફરજ બજાવતા પિતા અને સમગ્ર પરિવારને જાનથી મારી નાખવાની ધમકી ભર્યુ લખાણ પત્રમાં લખી ગુનો આચર્યો હોવાનો આરોપ લગાવાયો છે.

પોલીસે શકદાર હિતેષકુમાર પરષોતમભાઇ શેઠ સામે આઇપીસી કલમ 507, 506(2) મુજબ ફરિયાદ નોંધી છે. શકદાર તરીકે જેનુ નામ છે. તે પોલીસ કર્મચારી તરીકે ફરજ બજાવે છે. આ શકદાર અગાઉ સેશન્સ જજના નિવાસ સ્થાને ફરજ પણ બજાવી ગયો હોવાની વિગતો પોલીસ સુત્રોમાંથી જાણવા મળી છે.