જામનગરવાસીઓ આંનદો, બે મહિના સુધી પાણીની તંગી નહીં વર્તાય

જામનગર જિલ્લાના મોટાભાગના જળાશયોમાં પૂરતું પાણી હોવાથી બે મહિના સુધી પાણીની તંગી નહીં સર્જાય. જામનગરમાં આવેલા ચાર મોટા જળાશયોમાં હાલ પૂરતું પાણી હોવાના કારણે બે મહિના સુધી જામનગર વાસીઓને પીવાનું પાણી સમયસર મળી રહેશે.

જામનગર : મહાનગરપાલિકાના સ્ટેન્ડિંગ કમિટીના ચેરમેન સુભાષભાઈ જોશીએ જણાવ્યું કે, 31 જૂન સુધી જામનગરવાસીઓને સ્થાનિક જળાશયોના પાણી આપવામાં આવશે.

હાલ, શહેરમાં એકાંતરા પાણીનું વિતરણ કરવામાં આવી રહ્યું છે. જો કે, હજુ સુધી નર્મદાનું પાણી ઉપયોગમાં લેવામાં આવતું નથી. હાલમાં કોરોનાની પરિસ્થિતિ હોવાને કારણે પાણીના જથ્થામાં પણ વધારો કરવામાં આવ્યો છે.