લોકડાઉન-4: છૂટછાટ બાદ જામનગરમાં જનજીવન ધબકતુ થયું

55 દિવસના લોકડાઉન બાદ આજથી લોકડાઉન હળવું કરવામાં આવ્યું છે. જામનગરના અતિ વ્યસ્ત બેડી ગેટ વિસ્તારમાં વેપારીઓથી માંડી ગ્રાહકોની ચહલ પહલ જોવા મળી રહી છે.

જામનગરઃ શહેરમાં ગઈ કાલે જિલ્લા કલેકટર દ્વારા જાહેરનામું બહાર પાડવામાં આવ્યું છે. તે પ્રમાણે જામનગરના રાજમાર્ગો પર વાહન ચાલકો માસ્ક પહેરી નીકળતા જોવા મળ્યા છે. તો, જામનગરમાં ઓટો રીક્ષા પણ રાબેતા મુજબ ચાલુ કરવામાં આવી છે.

લોકડાઉનમાં છુટછાટ મળતા પાન મસાલાની દુકાનો ધીમેધીમે ખુલી રહી છે. તો, ચાની લિજ્જત માણતા લોકો જોવા મળી રહ્યા છે. છેલ્લા 55 દિવસથી લોકડાઉનનું ચુસ્તપણ પાલન કરી રહેતા જામનગર વાસીઓમાં શિસ્થતા જોવા મળી રહી છે. મોટાભાગના રાજમાર્ગો પર દુકાનો ધમધમી રહી છે.