આમરણ પંથકમાં સાંસદ પૂનમ માડમને આવકારવા મોટી સંખ્યામાં ઉપસ્થિત પંથકના સૌ આગેવાનો, વડીલો, ભાઇઓ, બહેનો, ભાજપના સૌ આગેવાનો, હોદ્દેદારો, કાર્યકર્તાઓ સૌ એ ગામડાની ગરીમા એવા ગાડા પૂનમ માડમ માટે સુશોભિત કર્યા હતા. પૂનમ માડમે પ્રચાર વખતેની જેમ જ વિજ્ય સભા પહેલા ખેતીપ્રધાન રાષ્ટ્રના પ્રતિક ગાડામાં સવારી કરી હતી. ત્યારે સાથે સાથે ઢોલ, નગારા, ત્રાસા સાથે ઐતિહાસિક સ્વાગત કરવામાં આવ્યું હતું.
આ તકે રાજેશ કાસુન્દ્રા, કેશુભાઈ કાસુન્દ્રા, હસમુખભાઈ ગાંભવા, ઇકબાલભાઇ બુખારી, દાદામીયા બુખારી, જેન્તીભાઈ અઘેરા તેમજ રઘાભાઇ પરમાર સહિત પંથકના આગેવાનો વગેરે મોટી સંખ્યામાં હાજર રહ્યાં હતા.
આ તકે સાંસદ પૂનમ માડમે આમરણ ખાતે આયોજીત સભામાં નાગરિકો, કાર્યકર્તાઓ અને સમાજના આગેવાનો દ્વારા થયેલા અભિવાદનનો સાદર સ્વિકાર કર્યો હતો અને હૃદયપૂર્વક આભાર વ્યક્ત કર્યો હતો. સાથે જ મનનીય, ચિંતનશીલ અને આભાર વ્યક્ત કરતું સંબોધન કર્યું હતું.
