હુમલાખોર શખ્સોએ 4 થી 5 છરીના ઘા ઝીંકી એડવોકેટને લોહીલુહાણ કરી મુકયા હતા.જામનગરમાં શંકર ટેકરીમાં શાસ્ત્રીનગર વિસ્તારમાં મહાદેવના મંદિર નજીક રહેતા વકીલ કલ્પેશભાઈ અનિલભાઈ ફલિયા સાંજે 7.30 વાગ્યે પોતાના ઘરે બાઈક પર જતા હતા, ત્યારે બાઇક પર આવેલા 2 શખ્સોએ વકીલને છાતીના ભાગ તથા પેટના ભાગ ઉપર છરીના ઘાં ઝીંકી ગંભીર રીતે ઘાયલ કરી દીધા હતા.
જામનગરમાં જૂની અદાવતમાં વકીલ પર ઝીંકાયા છરીના ઘા
અચાનક થયેલા હુમલાથી તેઓ ઢળી પડ્યા હતા અને તાત્કાલીક સારવાર માટે જામનગરની જી.જી.હોસ્પિટલમાં ખસેડવામાં આવ્યા હતા. બનાવની જાણ થતાં સીટીસીના પી.આઈ આર .જે. પાંડર અને સ્ટાફ પણ ઘટનાસ્થળે દોડી ગયો હતો. નાસી છૂટેલા બંને હુમલાખોરોને ઝડપી પાડવા માટે પોલીસે કવાયત હાથ ધરી છે.
