જામનગરમાં ધનતેરસના દિવસે શ્રી શ્રી રવિશંકરની હાજરીમાં મહાલક્ષ્મી પર્વની ઉજવણી કરાઇ

જામનગરઃ ધનતેરસના રોજ પ્રણામી ગ્રાઉન્ડમાં મહાલક્ષ્મી પર્વની ઉજવણીમાં આર્ટ ઓફ લિવિંગના શ્રી શ્રી રવિશંકર હસ્તે મહાલક્ષ્મી પર્વની ઉજવણી કરવામાં આવી હતી. જ્યાં મોટી સંખ્યામાં શહેરિજનો કાર્યક્રમમાં ઉપસ્થિત રહી મહાલક્ષ્મી પર્વની ભવ્ય ઉજવણી કરવામાં આવી હતી.

20 વર્ષ બાદ શ્રી શ્રી રવિશંકર જામનગર પધાર્યા હતાં. જેના કારણે ભક્તોમાં પણ ભારે ઉત્સાહ જોવા મળ્યો હતો. આ પ્રસંગે પ્રાણમી આશ્રમના 108 કૃષ્ણમણિ સ્વામી પણ ઉપસ્થિત રહ્યા હતાં.

શ્રી શ્રી રવિશંકરની ઉપસ્થિતમાં મહાલક્ષ્મી મહામંત્રના જાપ કરવામાં આવ્યા હતાં અને સાંજે 8 વાગ્યે મહાલક્ષ્મી મહાપર્વની ઉજવણી શરૂ કરવામાં આવી હતી. બાદમાં શ્રી શ્રી રવિશંકરે ઉદબોધન કર્યું હતું.