ધ્રોલમાં મર્ડર કરનારા શાર્પ શૂટર સહિત 3 આરોપીની ધરપકડ, મુખ્ય આરોપી પકડથી દૂર

ધ્રોલમાં ધોળા દિવસે રાજ્ય બહારના શાર્પ શૂટર દ્વારા પાંચ રાઉન્ડ ફાયરિંગ કરી દિવ્યરાજસિંહનું મર્ડર કરનારા ત્રણ શખ્સોને પોલીસે ઝડપી પાડ્યા છે. જેમાં શાર્પ શૂટર બબલુને હરિયાણા પોલીસની મદદથી દબોચી લેવામાં આવ્યો છે.

જામનગર: જિલ્લાના ધ્રોલમાં ધોળા દિવસે રાજ્ય બહારના શાર્પ શૂટર દ્વારા પાંચ રાઉન્ડ ફાયરિંગ કરી દિવ્યરાજસિંહનું મર્ડર કરનારા ત્રણ શખ્સોને પોલીસે ઝડપી પાડ્યા છે. જેમાં શાર્પ શૂટર બબલુને હરિયાણા પોલીસની મદદથી દબોચી લેવામાં આવ્યો છે. જો કે મુખ્ય કાવતરાખોર હજુ પોલીસ પકડથી દૂર છે. ગત 6 તારીખે ધ્રોલમાં પેટ્રોલ પમ્પ પાસે દિવ્યરાજસિંહ પર ફાયરિંગ કરવામાં આવ્યું હતું અને દિવ્યરાજસિંહનું જી જી હોસ્પિટલમાં સારવાર દરમિયાન મોત નિપજ્યું હતું.

ધ્રોલમાં મર્ડર કરનારા 3 આરોપીઓ ઝડપાયા

આરોપીના રિમાન્ડ દરમિયાન શાર્પ શૂટર બબલુએ અગાઉ ચાર જેટલી હત્યા કરી હોવાનો ખુલાસો થયો છે. અનેક ગુનામાં સંડોવાયેલા બબલુએ દિવ્યરાજસિંહની હત્યા પહેલા રેકી પણ કરી હતી અને 40 હજાર રૂપિયા પણ મુખ્ય કાવતરા ખોર પાસેથી લીધા હતા.