જામનગર જિલ્લામાં કુલ 49 વર્ક ઓર્ડર અને ચેક વિતરણ કરવામાં આવ્યા હતાં. જામનગર મહાનગરપાલિકાના 12 કામના 29.55 લાખનો ચેક મનપા કમિશનર સતિષ પટેલને અર્પણ કરાયો હતો. સાંસદ પૂનમ માડમ દ્વારા મુવમેન્ટને 24.95 લાખ બેડમિન્ટન કોર્ટ માટે આપવાની જાહેરાત કરવામાં આવી હતી.
ઉર્જા પ્રધાન સૌરભ પટેલે જામનગરમાં વિવિધ વિકાસ કાર્યો માટે ફાળવી મોટી રકમ રાજ્ય સરકાર દ્વારા રૂપિયા 50 લાખ જી. જી. હોસ્પિટલ માટે ફાળવવામાં આવ્યા છે તો જામનગર જિલ્લાના વિવિધ ગામોના સરપંચોને વિવિધ વિકાસ કામ કરવા માટે ચેક અર્પણ કરવામાં આવ્યા હતા આ ઉપરાંત જેટકોના નવા સબ સ્ટેશનનું પણ પ્રધાન સૌરભ પટેલે ભૂમિપૂજન કર્યું હતું. હાલાર પંથકમાં વીજળીનો પુરવઠો લોકોને સહેલાઈથી મળી શકે તે માટે જેટકોના નવા સબ સ્ટેશનનું ભૂમિપૂજન કરવામાં આવ્યું છે.
