ગીરસોમનાથમાં કોરોનાના સરકારી આંકડા અને ગ્રામ્ય વિસ્તારમાં વાસ્તવિક કેસના આંકડામાં ભારે તફાવત

ગીરસોમનાથમાં કોરોનાના કેસમાં સતત વધારો થઇ રહ્યો છે. ત્યારે સરકારી તંત્રના આંકડા અને ગ્રામ્ય વિસ્તારના વાસ્તવિક આંકડામાં તફાવત જોવા મળી રહ્યો છે. ત્યારે કોરોનાને રોકવા માટે અમુક ગામોએ સ્વૈચ્છિક લોકડાઉન જાહેર કર્યું છે.

• જિલ્‍લાના સરકારી આંકડા અને ગ્રામ્ય વિસ્તારમાં વાસ્તવિક કેસના આંકડામાં ભારે તફાવત
• આઠ દિવસ દરમિયાન તંત્રના ચોપડે કોરોનાના 63 કેસ નોંધાયેલા
• આજોઠા ગામામાં દસ દિવસ સુઘી સ્‍વૈચ્‍છિક લોકડાઉન કરાયુ

ગીર સોમનાથ : જિલ્‍લાના કોરોના કેસના સરકારી આંકડા અને ગ્રામ્ય વિસ્તારમાં વાસ્તવિક કેસના આંકડામાં ભારે તફાવત જોવા મળી રહ્યો છે. વેરાવળ શહેર સહિત તાલુકા વિસ્તારમાં છેલ્લા આઠ દિવસ દરમિયાન તંત્રના ચોપડે કોરોનાના 63 કેસ નોંધાયેલા છે. તેની સામે તાલુકાના 52માંથી 20 ગામમાં જ હાલ 180 કેસ હોવાનો સરપંચોએ સ્વીકાર કર્યો છે.

ગીર-સોમનાથના ગામોમાં સ્વૈચ્છિક લોકડાઉન

તાલુકાના 53 પૈકી 20 ગામોમાં કોરોનાનો કુલ 180 એક્ટિવ કેસ

કોરોનાની બીજી લહેરમાં રાજયના મહાનગરોમાં દરરોજ કોરોનાના કેસોનો વિસ્‍ફોટ જોવા મળી રહયો છે. કોરોનાનું સંક્રમણ ગ્રામ્‍ય વિસ્‍તારોમાં પણ ફેલાય ચુકયુ હોવાની દહેશત જાણકારો વ્‍યકત કરી રહ્યા છે. ગીર સોમનાથના જિલ્‍લામથક વેરાવળ તાલુકાના 53 ગામના સરપંચોનો ટેલિફોનીક સંપર્ક કરી કોરોનાના કેસની વિગતો જાણતા ચોંકાવનારી વિગતો સામે આવી છે. જેમાં તાલુકાના 53 પૈકી 20 ગામોમાં કોરોનાનો કુલ 180 એક્ટિવ કેસો હોવાનું જાણવા મળ્યું છે.

ગીર-સોમનાથના ગામોમાં સ્વૈચ્છિક લોકડાઉન

ગામના સરપંચો સાથે ટેલિફોનીક વાતથી કેસના આંકડા પુછેલા

તાલુકાના જુદા-જુદા ગામના સરપંચો સાથે ટેલિફોનીક વાત કરેલી હતી. જેમાં ગામડાઓમાં કોરોનાના કેટલા કેસો છે ? કેવી પરિસ્‍થ‍િતિ છે ? તેવા સવાલો સરપંચોને પુછેલ હતા. જેમાં કેસોની જાણવા મળેલ સંખ્‍યા મુજબ તાલુકાના આજોઠા ગામમાં-25, બાદલપરા-25, પંડવા-22, માથાસુરીયા-15, વડોદરા (ડોડીયા)-13, ભાલપરા-13, ચમોડા-11, કિંદરવા-9, ઉંબા-3, ખેરાળી-6, ડાભોર-3, દેદા-1, ભેરાળા-3, વાવડી (આદ્રી)-5, સીમાર-8, સવની-4, સુપાસી-6, મીઠાપુર-5, આંબલીયાળા-2, સોનારીયામાં-1 કેસ હોવાનું સરપંચોએ જણાવ્યું છે.

ગીર-સોમનાથના ગામોમાં સ્વૈચ્છિક લોકડાઉન

આજોઠા ગામમાં સવારે 6થી 12 વાગ્‍યા સુઘી દુકાનો ખુલી રહેશેઆજોઠાના સરપંચ વાલી વિરા ભજગોતરે જણાવ્યું કે, ગામમાં કોરોનાના કેસોમાં વધારો થયો હોવાના કારણે ગ્રામજનોની સલામતીના ભાગરૂપે તા. 10થી 20 એપ્રિલ દસ દિવસ સુઘી સ્‍વૈચ્‍છિક લોકડાઉન કરાયુ છે. આ સમયગાળા દરમિયાન ગામમાં સવારે 6થી 12 વાગ્‍યા સુઘી દુકાનો ખુલી રહેશે. ત્‍યારબાદના સમયગાળામાં ગામમાં તમામ દુકાનો-બજારો સંપૂર્ણ બંધ રહેશે. ગામમાં તમામ લોકોએ માસ્‍ક પહેરીને જ બહાર નીકળવાનું રહેશે અને સોશિયલ ડિસ્‍ટન્‍સ જાળવવાનું રહેશે.

ગીર-સોમનાથના ગામોમાં સ્વૈચ્છિક લોકડાઉન

પંડવાના ગામમાં સ્‍વૈચ્‍છિક લોકડાઉન જાહેર કરાયુ

પંડવાના સરપંચ માલી જેસા બારડએ જણાવ્યું હતુ કે, કોરોનાના કહેરને ધ્યાનનેે લઇ ગામમાં સ્‍વૈચ્‍છિક લોકડાઉન જાહેર કરાયુ છે. ગામમાં સવાર અને સાથે બે-બે કલાક દુકાનો ખુલી રહેશે. બાકીના સમયગાળામાં ગામ સંપૂર્ણ બંધ રહેશે. ગ્રામજનોને દુકાનો ખુલી રાખવાના સમયગાળામાં પોતાના કામો પતાવી લેવા સુચના આપવામાં આવી છે.

ગીર-સોમનાથના ગામોમાં સ્વૈચ્છિક લોકડાઉન

કોરોનાનું સંક્રમણ અટકાવવા કોઇપણ ભોગે પ્રતિબંધો લગાવવા પડશે

ગ્રામ્‍ય વિસ્‍તારોમાં કોરોનાની બીજી લહેરમાં સંક્રમણ વધી રહ્યુ છે. તેને અટકાવવા બાબતે પણ ગ્રામજનો સર્તકતા દાખવવાનું શરૂ કરેલી હોવાનું અમુક સરપંચો સાથેની વાતચીતમાં જાણવા મળ્યું છે. સરપંચોના જણાવ્‍યા મુજબ, ગ્રામ્‍ય વિસ્‍તારોમાં કોરોનાનું સંક્રમણ અટકાવવા બાબતે તબીબી નિષ્‍ણાંતો સાથે વાતચીત કરી તેમના મત મુજબ ગામોમાં જરૂરી પ્રતિબંધો લગાવવા, બહારના લોકોને પ્રવેશ ન આપવા જેવા પગલાઓ ભરવા આગળ વધી રહયા છે. ગ્રામ્‍ય વિસ્‍તારોમાં કોરોનાનું સંક્રમણ કોઇપણ ભોગે અટકાવવા પ્રતિબંધો લગાવવા પડશે કે પગલા ભરવા પડશે તો તેમાં પીછેહઠ નહિ કરવાનો સુર સરપંચોએ વ્‍યકત કર્યો હતો.