કેન્દ્ર સરકારની એજન્સી પ્રમાણે વેરાવળ બીચ ઓછું દૂષિત, લોકોમાં સર્વેની વિશ્વસનીયતા પર શંકા

ગીર સોમનાથઃ આપણા દેશના સમુદ્રકિનારાઓ ઉપર અભ્યાસ અને સર્વે કરતી સંસ્થા National Centre for Coastal Research (NCCR)એ સપ્ટેબરમાં દેશના 34 જેટલા બીચ ઉપરથી 35 ટન જેટલો કચરો એકઠો કર્યો હતો. જેમાં કચરામાં આવેલ મોટા ભાગના પ્લાસ્ટિકનું પ્રમાણ પ્રવાસન ઉદ્યોગના કારણે થયું હોવાનું આ સર્વેમાં કહેવાયું છે. જેમાં ગુજરાતના વેરાવળને ઓછા પ્રદુષિત બંદરોમાં ગણવામાં આવ્યું છે, ત્યારે વાસ્તવિક્તા કંઈક અલગ જ જોવા મળી છે.

જ્યારે સર્વેમાં ગુજરાતના ગીર સોમનાથ જિલ્લાના મુખ્યમથક અને માછીમારી બંદર વેરાવળને આ 34 બંદરોમાના સૌથી ઓછા પ્રદુષિત બંદરોમાનું એક ગણવામાં આવ્યું છે, ત્યારે વેરાવળ નિર્માણાધિન ચોપાટી જ્યાં લોકોના જવા ઉપર રોક છે.

ત્યાં કચરાનું સામ્રાજ્ય જોવા મળે છે અને વિશેષ રૂપે બંદર તેમજ સોમનાથની પાછળનો અવાવરો વિસ્તાર જ્યાં લોકોની અવરજવર ઓછી છે. ત્યાં જાણે દરિયા કિનારે ડંપિંગ યાર્ડ બન્યું હોય તેટલો કચરો જોવા મળે છે.

વેરાવળ બીચ

ત્યારે વેરાવળના સ્થાનિકોનું માનવું છે કે, જો વેરાવળનું બીચ 34 માનું ઓછું પ્રદુષિત બીચ મનાય છે તો મોખરાનું બીચ કેટલું ગંદુ હશે. અથવા તો જો કેન્દ્રની સર્વે એજન્સીને વેરાવળનું બીચ ઓછું પ્રદુષિત લાગ્યું છે. સિસ્ટમમાં ચોક્કસથી આ ખામી કહી શકાય. ત્યારે લોકોનો કેન્દ્રમાં બેસીને આવા સર્વે હાથ ધરતી સંસ્થાઓ પરનો વિશ્વાસ ચોક્ક્સથી ઓછો થાય તેમ કહી શકાય છે.