બિન અનામત સમાજના મુદ્દે સીએમ રૂપાણીની અધ્યક્ષતામાં બેઠક યોજાઈ

રાજ્ય સરકારના સામાન્ય વહીવટ વિભાગ દ્વારા ૧ ઓગસ્ટ 2018ના દિવસે એક પરિપત્ર બહાર પાડવામાં આવ્યો હતો. જેમાં અનામતને લઈને વિસંગતતાઓ જોવા મળી રહી હતી. જેને લઇને એલઆરડીની એસ.સી, એસ.ટી, ઓ.બી.સી. સમાજની મહિલા ઉમેદવારો છેલ્લા 66 દિવસથી ઉપવાસ પર હતી, ત્યારે રાજ્ય સરકારે પરિપત્ર રદ કરવાની જાહેરાત થતા સવર્ણ સમાજની મહિલાઓ દ્વારા વિરોધ કરીને જેને લઈને સરકારે ગઈકાલે સવર્ણ સમાજના આગેવાનો સાથે બેઠક યોજી હતી, જ્યારે આ જ મુદ્દા ઉપર આજે રાજ્યના મુખ્યપ્રધાન વિજય રૂપાણી સાથે પણ રાજ્યના નાયબ મુખ્ય પ્રધાન નીતિન પટેલે બેઠક કરીને સમગ્ર બાબતે ચર્ચા કરી હતી.

ગાંધીનગર : ગઇકાલે રાજ્યના મુખ્ય પ્રધાન નીતિન પટેલે સમાજના આગેવાનો સાથે બેઠક કરી હતી અને LRDના પરિપત્ર બાબતે ચર્ચા કરી હતી. આ સાથે જ LRDમાં મહિલાઓના જે આગેવાનો છે તેમની સાથે ચર્ચા કરીને તમામ ટેકનિકલ મુદ્દા ઉપર નિવેડો લાવવા માટેની પણ વાત કરવામાં આવી હતી, ત્યારબાદ એક રિપોર્ટ તૈયાર કરીને રાજ્યના મુખ્યપ્રધાન વિજય રૂપાણીને આજે બેઠકમાં સોંપવામાં આવ્યો છે. અમારા સમાજના આગેવાનો દ્વારા જે પણ ચર્ચા વિચારણા કરવામાં આવી હતી તે તમામ ચર્ચા આજે રાજ્યના નાયબ મુખ્ય પ્રધાન નીતિન પટેલ, રાજ્યકક્ષાના પ્રધાન પ્રદીપસિંહ જાડેજા અને શિક્ષણ પ્રધાન ભૂપેન્દ્રસિંહ ચુડાસમા અને આર.સી.ફળદુ એ રાજ્યના મુખ્યપ્રધાન વિજય રૂપાણી સમક્ષ ચર્ચા કરી હતી અને LRD મુદ્દે વહેલામાં વહેલી તકે નિર્ણય આવે તે બાબતની પણ આજની બેઠકમાં ચર્ચા કરવામાં આવી છે. ઉલ્લેખનીય છે કે આજની આ બેઠક બે કલાકથી પણ વધુ સમય ચાલી હતી.

આમ, LRDમાં કોઈ પણ સમાજને અન્યાય ન થાય તે માટે રાજ્ય સરકાર કટિબદ્ધ હોવાનું નિવેદન અગાઉ પણ રાજ્ય સરકારના પ્રતિનિધિઓ દ્વારા આપવામાં આવ્યું છે, ત્યારે આજે અનામતની માગને બાબતે ચર્ચા શરૂ કરવામાં આવી હતી. બે કલાક બેઠક ચાલી હતી. હવે, રાજ્ય સરકાર આ તમામ મુદ્દે પરામર્શ કરીને પછી પત્ર બાબતે નવો ખુલાસો ક્યારે કરશે તે જોવું રહ્યું.