રાજસ્થાન સમાજના અગ્રણી મુકેશકુમાર વ્યાસે કહ્યું કે, “અમારી જન્મભૂમિ રાજસ્થાન છે જ્યારે કર્મભૂમિ ગુજરાત છે. વધુમાં કહ્યું કે, ત્યાં 30 માર્ચ 1949નો દિવસ રાજસ્થાન રાજ્યનો સ્થાપના દિવસ છે. ઇડર સ્ટેટ હતું ત્યારે રાજસ્થાનમાં હતો અને આબુ ગુજરાતમાં હતું. ત્યારબાદ સરદાર વલ્લભભાઈ પટેલે રજવાડા એક કર્યા ત્યારે રાજસ્થાન રાજ્ય પણ તે સમયે અલગ થયું હતું. ત્યારથી લઈને 30 માર્ચના રોજ રાજસ્થાન સ્થાપના દિવસ ઉજવાય છે. ત્યારે ગુજરાતમાં 30 માર્ચ શનિવારે સેક્ટર-16 રંગમંચ ખાતે રાજસ્થાન સમાજની સંસ્કૃતિને ઉજાગર કરતા કાર્યક્રમો યોજવામાં આવશે.”
ગાંધીનગરમાં 30 માર્ચે રાજસ્થાન સમાજ તેમની સંસ્કૃતિને ઉજાગર કરશે
રાજસ્થાન સમાજના કાર્યક્રમમાં ગાંધીનગર જિલ્લામાં 4500 પરિવાર હાજર રહેશે. તેમજ આ કાર્યક્રમમાં બાળકોને વર્ષ દરમિયાન સામાજિક અને શૈક્ષણિક રીતે સિદ્ધિ મેળવીને આગળ આવેલા દરેકને સન્માનિત કરવામાં આવશે. આ કાર્યક્રમમાં હોટલ ઉમેદના માલિક સાઇટ રાજસ્થાન રાજ્યની સન્માનિત વ્યક્તિઓ હાજર રહેશે. ગુજરાતની ધરતી ઉપર રાજસ્થાનનો માહોલ સર્જવામાં આવશે.
