અમદાવાદ થયેલાં નાગરિકતા બિલ વિરોધ પ્રદર્શનમાં પોલીસ પર હુમલો થયો હતો. તેમજ પથ્થમારો કરાયો હતો. જેમાં અનેક પોલીસકર્મી સહિત લોકો મોટી સંખ્યામાં ઘાયલ થયા હતાં. આ સમગ્ર ઘટના પર કાબૂ મેળવવા માટે પોલીસ દ્વારા સંવેદશીલ વિસ્તારમાં પેટ્રોલીંગ ગોઠવવામાં આવ્યું હતું. તેમજ અસમાજિક તત્વોની ધરપકડ કરવામાં આવી હતી. તેમજ સિમેન્ટની થેલીમાં પથ્થર હોવાનું એક વીડિયોમાં જોવા મળ્યું હતું. ત્યારબાદ પોલીસે કડક બંદોબસ્ત ગોઠવ્યું હતું.
આ ઘટના અંગે વાત કરતાં નાયબ મુખ્યપ્રધાને જણાવ્યું હતું કે, "લોકો અમદાવાદ અને રાજ્યમાં શાંતિ ન ઈચ્છતા લોકોએ આ તોફાન કરાવ્યા હોવાનું જણાય છે. પોલીસે આરોપીઓની ધરપકડ કરી છે. કાવતરાખોરોની પોલીસે રાત્રે જ ધરપકડ કરી છે. કેટલાંક લોકોએ આ ઘટનાને ભડકાવવાની પ્રયત્ન કર્યો હતો. તેમની વિરૂદ્ધ કાયદેસરની કાર્યવાહી કરવામાં આવશે."
આ ઉપરાંત વિપક્ષ નેતા પરેશ ધાનાણીના ટ્વીટ અંગે નિતીન પટેલે નિવેદન આપ્યું હતું કે," ગુજરાતની શાંતિ તો આ લોકોને ગમતી નથી. ઉશ્કેરણી કરનારા લોકો ક્યાં ફરે છે તે સૌ કોઈ જાણે છે. તોફાની તત્વોને છાવરવા માગતા હોય તો તેઓ સફળ થવાના નથી."
ઉલ્લેખનીય છે કે, હાલ અમદાવાદમાં સામાન્ય પરિસ્થિતિ છે. પરંતુ ગુરૂવાર રાત્રે હુમલો થયો હોવાની અફવાના કારણે વાતવરણ ડહોળાયું હતું. તેમજ પોલીસ પર પથ્થમારો થયો હતો.
