ગાંધીનગર: ભુપેન્દ્ર પટેલ સરકાર 2.0 નું બજેટ શુક્રવારે રજૂ કરવામાં આવ્યું હતું. ગુજરાત વિધાનસભાના ઇતિહાસમાં નાણાપ્રધાન કનુ દેસાઈ દ્વારા ગુજરાતનું ઐતિહાસિક જમ્બો બજેટ રજૂ કરવામાં આવ્યું છે. બજેટનું કદ વધારીને 3.01 લાખ કરોડથી પણ વધારી દેવામાં આવ્યું છે.બજેટમાં લગભગ 23 ટકા જેટલો ધરખમ વધારો કરવામાં આવ્યો છે. આ ઉપરાંત કુલ યોજનાનું લેઆઉટ 3.01 લાખ કરોડ રૂપિયાનું છે. તો આવો જાણીએ નાણાં ક્યાંથી આવશે અને ક્યાં વપરાશે.....
રાજ્ય GST માંથી થશે મોટી આવક: રાજ્ય સરકારે રજૂ કરેલા બજેટમાં આવક અને જાવકને લઈને માહિતી આપવામાં આવી હતી. આવકની વાત કરીએ તો સરકારે આગામી એક વર્ષ એટલે કે વર્ષ 2022-23 દરમિયાન કુલ લગભગ 2,41,101 કરોડની આવક થશે તેવી આશા વ્યક્ત કરવામાં આવી છે. ઉલ્લેખનીય છે કે આવકના સ્ત્રોતોમાં સરકારને આશા છે કે રાજ્ય દ્વારા વસુલવામાં આવતો રાજ્ય જીએસટી વેરામાંથી 23.93 ટકા જેટલી આવક થશે. આ ઉપરાંત 4200 કરોડ રૂપિયા સરકાર વર્લ્ડ બેંક પાસેથી લોક લેશે.
રાજ્ય વેરામાંથી મોટી આવક: સરકારે રજૂ કરેલા બજેટમાં સૌથી વધુ આવક રાજય વેરામાંથી મેળવશે તેવી આશા વ્યક્ત કરી છે. રાજય વેરામાંથીસરકારને લગભગ 62,206 કરોડ રૂપિયાની આવક થશે. આ ઉપરાંત સરકારને કેન્દ્ર પાસેથી જીએસટી અને અન્ય વેરામાંથી 18.41 ટકા જેટલી આવકની ધારણા વ્યક્ત કરી છે. સરકારને કેન્દ્રમાંથી અનુદાન અને વેરામાંથી કુલ 44,385.73 કરોડ જેટલી આવક થશે જેવી ધારણા છે.
આ પણ વાંચો Budget 2023: દિવ્યાંગજનો, યુવાનો અને સિનિયર સિટીઝન્સને ફાયદો જ ફાયદો
રાજ્ય સરકારના ખર્ચનો અંદાજ: સરકારે રજૂ કરેલા બજેટમાં વર્ષ 2022-23 દરમિયાન કુલ 2,41,101.75 કરોડનો ખર્ચ થશે તેવી ધારણા વ્યક્ત કરી છે. આ ખર્ચમાંથી 59.28 ટકા જેલો હિસ્સો વિકાસલક્ષી કામોમાં ખર્ચ કરવામાં આવશે. વિકાસલક્ષી કામોમાં કુલ 1,42,926.43 કરોડ રૂપિયા ખર્ચ કરવામાં આવશે. જો કે બિન વિકાસલક્ષી કામોમાં સરકારના 30.47 ટકા જેટલા નાણાં ખર્ચ થશે. સરકારની આવકનો 0.61 ટકા હિસ્સો લોન અને પેશગીમાં ખર્ચ થશે.
મફત અને રાહત: સરકારે વિકલાંગોને એસટી બસમાં મફત પ્રવાસ આપીને મોટી રાહત આપી છે. આ માટે 52 કરોડની જોગવાઈ કરી છે. બીજી તરફ સરકારે પીએનજી અને સીએનજી ગેસના ભાવમાં ઘટાડો કર્યો છે. જેનો સીધો ફાયદો પરિવહન અને ગૃહિણીઓને થવાને છે. ગેસને કારણે જે બજેટ ખોરવાતું હતું એ હવે આ બજેટમાં સમતોલ કરી દેવામાં આવ્યું છે. કારણ કે, ગેસ પર લાગુ થતો ટેક્સ 15 ટકાથી ઘટાડી 5 ટકા કરી દેવામાં આવ્યો છે. વર્ષમાં બે વખત ફ્રીમાં ગેસ સિલિન્ડર ભરાવી શકાશે.
