ગાંધીનગર : સોશિયલ મીડિયામાં વાયરલ થયેલા ફાયરિંગના વિડીયો બાબતે કોંગ્રેસના ધારાસભ્ય લલિત વસોયાએ જણાવ્યું હતું કે તેઓ ગોંડલ પાસે આવેલા ભુવનેશ્વરી આશ્રમમાં ફાયરિંગની પ્રેક્ટિસ કરવા માટે છેલ્લા દસ દિવસથી જાય છે. જેમાં તેઓના મિત્રે જ તેમનો વિડીયો ઉતાર્યો હતો અને ત્યાર બાદ સોશિયલ મીડિયામાં મૂક્યો હતો. પરંતુ આ વાતની જાણ થતાં જ મિત્રને ઠપકો આપીને સોશિયલ મીડિયામાંથી વિડીયો ડીલીટ કરવામાં પણ આવ્યો છે.
ફાયરિંગ વીડિયો મારી પ્રસિદ્ધિ માટે નથી, હું ફાયરિંગ કરતા શીખું છું : લલિત વસોયા ઉલ્લેખનીય છે કે કેટલાક લોકો આ વીડિયોને પોતાની સેલ્સ માર્કેટિંગ અને પ્રસિદ્ધિ માટે આ વીડિયો સોશિયલ મીડિયામાં મૂક્યાં હોવાનું નિવેદન આપ્યું હતું ત્યારે તેના જવાબમાં લલિત વસોયા જણાવ્યું હતું કે ફાયરિંગ સાથેનો વિડીયો એ મારી પ્રસિદ્ધ નહીં પરંતુ મારી બદનામી થાય છે. આવા વીડિયો હું પોતે ન મુકું, જ્યારે મેં અત્યારે હથિયાર મેળવવા માટે લાયસન્સની અરજી પણ કરી છે તેને ધ્યાનમાં લઈને જ ગોંડલ ભુવનેશ્વરી આશ્રમ ખાતે મેં પ્રેક્ટિસ શરૂ કરી છે અને આ વીડિયો પણ ત્યાંનો જ છે..ઉલ્લેખનીય છે કે આજે સોશિયલ મીડિયામાં ફાયરિંગનો વિડીયો વાયરલ થતા અનેક પડઘા પડ્યાં હતાં ત્યારે આ તમામ બાબતે વસોયાએ ETV ભારત સાથે આ ખાસ વાતચીત કરી હતી..
