અમિત શાહના ગુજરાત મુલાકાત બાબતે પ્રદીપસિંહ જાડેજાએ જણાવ્યું હતું કે, 11 જાન્યુઆરીના શનિવારના રોજ સવારે દેશના ગૃહપ્રધાન અમિત શાહ અમદાવાદ એરપોર્ટ ખાતે આવશે. ત્યાંથી તેઓ સીધા ગાંધીનગર ખાતે મહાત્મા મંદિર પહોંચશે અને ગૃહ વિભાગના કમાન્ડ એન્ડ કંટ્રોલ રૂમ કે, જે 33 જિલ્લામાં શરૂ કરવામાં આવ્યા છે તેનું લોકાર્પણ કરશે.
રાજ્ય સરકાર દ્વારા રાજ્યની તમામ જાહેર જગ્યા કે, જ્યાં વધુ પ્રમાણમાં જાહેર જનતાની અવર જવર રહે તેને ધ્યાનમાં રાખીને રાજ્ય સરકારે મહત્વના સ્થળો પર સીસીટીવી કેમેરા લગાવ્યા છે. ગૃહપ્રધાન અમિત શાહ વિશ્વાસ નામના આ પ્રોજેક્ટનું લોકાર્પણ પણ કરશે. આ સાથે જ અમદાવાદ ખાતે આવેલી ગુજરાત ટેક્નોલોજી યુનિવર્સીટીના પદવીદાન સમારોહમાં હાજરી આપશે.
રાજ્યના મુખ્યપ્રધાન બદલાઈ રહ્યા છે અટકળો વચ્ચે કેન્દ્રીય ગૃહપ્રધાન અમિત શાહ આવતાની સાથે જ આ વાતોને વધુ વેગ મળી રહ્યો છે. શનિવારે અમિત શાહ પ્રદેશ કક્ષાના આગેવાનો સાથે બેઠક કરે તેવી પણ શક્યતા છે.
