દરિયા વચ્ચે આવેલા દ્વારકામાં જ પાણીની કમી

દેવભૂમિ દ્વારકાઃ ગુજરાતમાં આ વર્ષે પાણીની સમસ્યા વ્યાપક બની છે, ત્યારે બેટ દ્વારકામાં પાણી હોવા છતા પણ પીવાના પાણી માટે લોકો વલખા મારી રહ્યા છે. દરિયા વચ્ચે આવેલા બેટ દ્વારકામાં બારે માસ પ્રવાસીઓનો ઘસારો રહેતો હોય છે, ત્યારે અહિં આવતા હજારો પ્રવાસીઓ પણ આ ગંભીર બાબતે ગુજરાતની એક ખરાબ છાપ અહિથી લઈને જાય છે.

એક તરફ પાણીની તીવ્ર તંગી અછત છે, તો બીજી તરફ બેટ દ્વારકામાં બારે માસ યાત્રિકોનો ઘસારો. હાલ બેટ દ્વારકાનાં લોકો અજીબો ગરીબ અનેક મુશ્કેલીઓનો સામનો કરી જીવન જીવી રહ્યાં છે. 10 હજારથી વધુની વસ્તી ધરાવતું બેટ દ્વારકા સમગ્ર ભારતમાં ભગવાન દ્વારકાધીશના મંદિર અને હનુમાનજીના મંદિરના કારણે પ્રખ્ચાત છે. દરિયા વચ્ચે આવેલા બેટ દ્વારકામાં બારે માસ પ્રવાસીઓનો ઘસારો રહેતો હોય છે. અહિં સ્થાનિક લોકોની મુખ્ય રોજગારી પણ પ્રવાસી પર રહેલી છે. અન્ય કોઇ આ ટાપુ પર ધંધા રોજગાર ન હોવાથી લોકો પ્રવાસીઓ પર પોતાની રોજગારી મેળવી રહ્યાં છે, ત્યારે હાલ ઉનાળો હોવાથી પાણીની તંગીને લઈને સ્થાનિકો ભારે મુશ્કેલીઓનો સામનો કરી રહ્યાં છે. પાણીની રાહમાં લોકોને 30-30 દિવસો વીતવા છતા પાણી મળતું નથી. પીવાના પાણી માટે લોકો વલખાં મારી રહ્યાં છે.

પાણી માટે સ્થાનિકો તો ખૂબ હેરાન થઈ રહ્યા છે તો સ્થાનિક મહિલાઓ તો અહિં જે જીવી રહી છે, તે તો ત્યાં સુધી કહી રહી છે કે, અહી અપરણીત યુવકોને યુવતી બેટ દ્વારકામાં પાણીની સમસ્યાને લીધે આપતું નથી. અહિં મહિલાઓને પાણી માટે દૂર-દૂર કુવામાં એક-એક બેડા માટે જવુ પડે છે. એક બેડુ પાણી ભરતા પણ આ મહિલાઓને રાતે અને દિવસે કેટલો સમય બેસવું પડે છે. કુવામાં પણ પાણી નથી રહ્યા અને કુવાના તળમા થોડું-થોડું જે પાણી એકઠું થાય તે સીંચીને બુન્દ-બુન્દ પાણી આ મહિલાઓ બેડામાં ભરાય ત્યારબાદ ઘરે જઈને જમવાનું બનાવી શકે છે.

આપને જરૂર આ શબ્દો અજુગતા લાગશે, પરંતુ આ વિકાસની વાતો કરતી અને ઠેર-ઠેર નર્મદાના પાણીની વાતો કરતી સરકાર માટે અહીના લોકોની વેદના સાંભળવા જેવી છે. પાણી માટે બેટ દ્વારકાના લોકો શું કહી રહ્યા છે. પાણી માટે વલખાં મારતા બેટ દ્વારકામાં લોકોએ હવે હિજરત કરવાની નોબત આવી હોવાનું જણાવ્યું છે. તો યુવાનો માટે અહીં કોઇ દીકરી દેવા એટલા માટે તૈયાર નથી કે પાણી પીવાનું મળતું ન હોવાથી સગાઈ પણ થતી નથી. તો વૃદ્ધ વડીલો હવે 60 વર્ષની ઉંમરે બેડા લઈને દૂર સુધી ઉનાળામાં કેમ પાણી ભરવા જાય..

દેવભૂમિ દ્વારકા જિલ્લાના ઓખા પંથકના શંખોદ્વાર બેટ દ્વારકામાં પાણીની કપરી સ્થિતિ છે. યાત્રાધામ બેટ દ્વારકામાં પાણી પ્રશ્ને નાગરિકોએ અનેક વખત એકત્ર થઈ પ્રાંત કચેરી દ્વારકા સહિત ઉચ્ચ કક્ષાએ રજુઆતો કરેલી છે. પાણી વગર અકળાઈ ઉઠેલી મહિલાઓ તંત્ર પર ભારે રોષ ઠાલવી રહી છે. 10 હજારથી વધુ વસ્તી ધરાવતા બેટ દ્વારકામાં હજારો ભક્તોનો બારે માસ ઘસારો રહેતો હોય છે. અહીં સ્થાનિકોને હાલ મહિને તો ક્યારેક 40 દિવસે પાણી આપતા હોવાનો સ્થાનિકો આક્ષેપ લગાવી રહ્યા છે. તો ભગવાન દ્વારકાધીશનાં મંદિરમાં પણ પાણીની અછતનાં લીધે ભોગ સામગ્રીમાં તકલીફ પડી રહી હોવાનું પુજારી જણાવી રહ્યા છે. ત્યારે સ્થાનિકોને પીવાના પાણી પ્રશ્ને વહેલી તકે નિકાલ આવે તેવી માંગ કરી રહ્યા છે. ચારે તરફ દરિયા વિસ્તારથી ઘેરાયેલા બેટ દ્વારકાનાં રહીશો હાલ પાણીની તીવ્ર તંગીનો સામનો કરી રહ્યા છે. નદી-કુવાનાં તળ સુકાય ગયા હોવાથી અહી મહિલાઓ કૂવામાંથી ખૂબ ગંદુ પાણી ભરી જીવન ગુજારી રહ્યા છે.

બેટ દ્વારકા એક એવો ટાપુ છે, જ્યા ચારે તરફ દરિયાનું પાણી છે અને વચ્ચે માનવ વસવાટ કરેલા આ ટાપુ ઉપર 10 હજારથી વસ્તી ધરાવતા આ ટાપુ ઓખા નગર પાલિકાની હદમા આવતો વિસ્તાર છે. અહિ પાલિકા દ્વારા જાણે ભેદભાવ ભરી નીતિ અપનાવવામાં આવતી હોય તેમ એક એક મહિને પાણીનાં મળતા સ્થાનિકો "પાણીની માંગ સરકાર પાસે કરી રહી છે. અહિ વિકાસ ગાયબ થયો હોવાનું દેખાઈ આવે છે. પ્રવાસન વિભાગ પણ જાણે પ્રવાસીઓની વ્યથા જાણવા ઉત્સુક ન હોય તેવુ દેખાઈ રહ્યું છે. કેમ કે જ્યારે પ્રવાસીઓને પણ પીવાના પાણી માટે હેરાન થવું પડે છે.. આ પાણી માટે નાની દીકરીઓ ભણવા પણ જઈ શકતી નથી. અહિ જે મહિલાઓ યુવતી પાણી ભરતી નજરે ચડી એ તમામ મહિલાઓનો પોકાર હતો કે ચારે તરફ છે. પાણી છતા તરસી છે. અહીની રાણી. તો ક્યારે આ રાણીને આપશે પાણી

એવુ નથી કે અહી સ્થાનિકોને પાણીની તકલીફ છે અહી આવતા હજારો પ્રવાસીઓ પણ આ ગંભીર બાબતે ગુજરાતની એક ખરાબ છાપ અહીથી લઈને જાય છે, ત્યારે પ્રવાસન વિભાગ દ્વારા પણ અહી વ્યવસ્થા પાણીની પ્રવાસીની ટ્રાફિકને લઈ કરવી જરૂરી છે. અહિનાં લોકો સાથે જાણે પાણી મુદ્દે રાજનીતિ રમાતી હોય તેવુ લાગી રહ્યુ છે, ત્યારે અહી હનુમાનજી અને ભગવાન દ્વારકાધીશનાં મંદિર ઉપરાંત અહી મસ્જિદ પણ આવેલી હોવાથી અહી તમામ ધર્મનાં લોકો બારે માસ આવતા હોય છે.