ડાંગ જિલ્લામાં બીજા તબક્કાનું રસીકરણ શરૂ કરવામાં આવ્યું

ડાંગમાં બીજા તબક્કાનું કોરોના રસીકરણ ચાલું કરી દેવામાં આવ્યું છે. જેમાં આજરોજ આહવા સિવિલ હોસ્પિટલ, 3 CHC અને પ્રાથમિક આરોગ્ય કેદ્ર ઉપર રસીકરણનો કાર્યક્રમ યોજાયો હતો.

• પ્રથમ તબક્કામાં 4989 લોકોને કોરોના વેક્સિનનો ડોઝ આપવામાં આવ્યો
• બીજા તબક્કામાં 821 લોકોને વેકશીન આપવામાં આવી
• આહવા સિવિલ હોસ્પિટલ, 3 CHC અને 10 પ્રાથમિક આરોગ્ય કેદ્ર પર રસીકરણ

ડાંગ : જિલ્લામાં કોરોના વાઈરસના સંક્રમણથી બચવા માટે તબક્કાવાર રસીકરણના કાર્યક્રમ ચાલી રહ્યા છે. જેમાં પ્રથમ તબક્કામાં જિલ્લાના આરોગ્ય કર્મીઓ, સુરક્ષા કર્મીઓ આંગણવાડી બહેનો, આશાવર્કર બહેનો વગેરે મળીને કુલ 4,989 લોકોનું રસીકરણ કરવામાં આવ્યું હતુ.

બીજા તબક્કાનું રસીકરણ શરૂ

બીજા તબક્કામાં 821 લોકોને રસી આપવામાં આવીરસીકરણના બીજા તબક્કામાં હાલ આરોગ્યકર્મીઓને કોરોના વાઇરસની રસી આપવામાં આવી રહી છે. જેમાં આજે રવિવારના રોજ આહવા સિવિલ હોસ્પિટલ, 3 CHC અને 10 પ્રાથમિક આરોગ્ય કેદ્ર ઉપર ડૉકટરો, સ્ટાફ નર્સ સહિત હોસ્પિટલના અન્ય કર્મીઓનું બીજા તબક્કા હેઠળ કોરોનાનું રસીકરણ કરવામાં આવ્યું હતુ. આરોગ્ય વિભાગના જણાવ્યા અનુસાર, બીજા તબક્કામાં કુલ 951 લોકોનો ટાર્ગેટ નક્કી કરવામાં આવ્યો હતો. જેમાંથી અત્યાર સુધીમાં કુલ 821 લોકોએ કોરોના રસીનો ડોઝ લીધો છે.

બીજા તબક્કાનું રસીકરણ શરૂ