ડાંગ: બ્રિટિશ હકૂમત સામે અપરાજિત રહેલા ડાંગ જિલ્લાના પાંચ ભીલ રાજવીઓને હોળીના ત્રણ દિવસ પહેલા ભારાતો ડાંગ દરબારમાં દર વર્ષે રાજ્યપાલના હસ્તે સ્મૃતિચિહ્ન અને પોલીટીકલ પેન્શન આપી સન્માનવામાં આવે છે. 5મી માર્ચથી 8મી માર્ચ 2020 સુધી યોજાયેલી ડાંગ દરબારના ઇતિહાસમાં પ્રથમ વખત રાજ્યપાલના બદલે અયોગ્ય પ્રધાનના હસ્તે સન્માનવામાં આવ્યા હતા. ડાંગ જિલ્લાના મુખ્ય મથક આહવાના સેવાસદન ખાતે થી પાંચ રાજવીઓને રંગબેરંગી ફૂલોથી શણગારેલા બગીઓમાં બેસાડી વિવિધ રાજ્યોમાંથી આવેલા સાંસ્કૃતિક કાર્યક્રમોની રમઝટ સાથે આવવા નગરમાં ફેરવવામાં આવી હતી. પાંચ રાજવીઓની શાહી સવારી જોવા સ્થાનિકો સહીત પ્રવાસીઓની ભારે ભીડ ઉમટી પડી હતી. ઉપસ્થિત મહાનુભાવોને સ્મૃતિ ભેટ આપી આવકારવામાં આવ્યા હતા.
આરોગ્યપ્રધાન કુમારભાઈ કાનાણી દ્વારા રાજવીઓને પોલિટિકલ પેન્શન સાથે ભેટ સોગાદો આપવામાં આવી હતી. આ પ્રસંગે ધારાસભ્ય મંગળભાઇ ગાવિત મહેમાનો ને આવકારી ડાંગી રાજવીઓનો ઇતિહાસમાં શોર્યની ગાથા વર્ણવી આદિવાસીઓની શૂરવીરતાના દર્શન કરાવ્યા હતા. તેઓએ આદિવાસીઓનાં પ્રિય તહેવાર હોળી નિમિત્તે ભરાતો ડાંગ દરબાર બાદ પાંચ દિવસ આદિવાસી પ્રજા ખાવા, પીવા, અને આનંદ માનનારી હોય હોળીના પાંચ દિવસ દરમિયાન તંત્ર અને આદિવાસીઓને કનડગત ન કરવા અનુરોધ કર્યો હતો. ડાંગની આદિવાસી પરંપરા ખાવું, પીવું અને નાચવું હોવાનું તેની જાળવણી કરવા પર ભાર મૂક્યો હતો.
આ કાર્યક્રમમાં મુખ્ય મહેમાન આરોગ્યપ્રધાન કુમારભાઈ કાનાણીએ સંજોગોવસાત રાજ્યપાલ અને પ્રભારી પ્રધોનનો કાર્યક્રમ રદ થતાં તેઓને ડાંગ જિલ્લાના રાજવીઓને સન્માન કરવાનો મોકો હોવાનો આભાર વ્યક્ત કર્યો હતો. તેઓએ જણાવ્યું હતું કે, તેઓએ ડાંગ ના રાજાઓ દ્વારા જંગલ સંપત્તિને બચાવવા અંગ્રેજ હકૂમત સામે પણ અડગ રહેલા પૂર્વજોનો ઇતિહાસ નમન કરી સન્માન કરવા ખુશી વ્યક્ત કરી હતી. ડાંગ કલેકટર એન. કે. ડામોરે ડાંગ દરબાર કાર્યક્રમમાં સૌને આવકાર્યા હતા. તેમણે ડાંગી રાજવીઓ પાસે ખેતીની જમીન ઉપરાંત સાગઈ વૃક્ષોની વિપુલ સંપત્તિના માલિક હોવાનું જણાવ્યું હતું. તેમજ પૂર્વજો બ્રિટિશ હુકૂમતમાં જંગલના સંરક્ષણ માટે આપેલ યોગદાનથી આજે ડાંગ દરબારનું આયોજન થતું હોય છે. ડાંગી વાસીઓને હોળીના તહેવારની શુભકામનાઓ પાઠવી હતી.
ડાંગ દરબાર કાર્યક્રમનાં શુભારંભમાં વિવિધ રાજ્યોમાંથી રંગારંગ કૃતિઓની રમઝટથી રાજવીઓ સહિત ઉપસ્થિત જનમેદનીને ડોલાવ્યા હતા. આ કાર્યક્રમમાં ડાંગ જિલ્લા પંચાયતના પ્રમુખ બીબીબેન ચૌધરી, ધારાસભ્ય મંગળભાઇ ગાવિત, નિવાસી અધિક કલેકટર ટી.કે.ડામોર, ઉત્તર અને દક્ષિણ વનવિભાગના ડી.સી.એફ અગનેશ્વર વ્યાસ, દિનેશભાઈ રબારી, એસપી સહિત અધિકારીઓ અને પદાધિકારીઓ ઉપસ્થિત રહ્યા હતા.
