ડાંગમાં નેહરૂ યુવા કેન્દ્ર દ્વારા પોષણ માસની ઉજવણી

ડાંગઃ નેહરૂ યુવા કેન્દ્ર દ્વારા પોષણ અભિયાન અંતર્ગત આરોગ્ય અને પોષણ અંગે ગાઢવી, કોશીમદા, આહવા, બંધપાડા, ધોળવહળ, પિપલદહાડ અને પિંપરી એમ કુલ ૭ જેટલા ગામોમાં જનજાગૃતિ અંગે કાર્યક્રમોનું આયોજન કરાયું હતું.

જિલ્લા યુવા સંયોજક અનુપ ઈંગોલેએ રાષ્ટ્રિય પોષણ અભિયાન અંગે જણાવ્યું હતું કે આપણે આરોગ્યની સુખાકારી માટે જનજાગૃતિ કેળવવાની જરૂરિયાત છે. સરકારશ્રીની યોજનાઓની વધુમાં વધુ જાણકારી લોકો સુધી પહોંચે એવો અમારો પ્રયાસ છે. આપણે યોગ્ય પોષણક્ષમ અને નિયમિત આહાર લઇએ તો તંદુરસ્તી સારી રહે અને મજબૂત રાષ્ટ્રનું નિર્માણ કરી શકીએ છીએ.

રાષ્ટ્રિય પોષણ અભિયાન

નેહરૂ યુવા કેન્દ્ર દ્વારા પોષણ માસની ઉજવણી

રાષ્ટ્રિય પોષણ અભિયાનના ભાગરૂપે જાહેર આરોગ્ય કેન્દ્ર, આંગણવાડી, ગ્રામ પંચાયત, યુવા અને સખી મંડળોના લોકોએ ઉત્સાહપૂર્વક ભાગ લઇ કાર્યક્રમને સફળ બનાવ્યો હતો.