દમણ: આ અંગે મળતી માહીતી મુજબ દમણની હોટેલ સિલ્વર લીફ રિસોર્ટના 4 લોકોને કોરોના વાઇરસના શંકાના આધારે મરવડ હોસ્પિટલમાં કોરોન્ટાઇન કરવામાં આવ્યા છે. ચારેય વ્યક્તિઓ 15 માર્ચે દિલ્હીના હજરત નિજામુદ્દીન સ્ટેશનેથી ઓગસ્ટ ક્રાંતિમાં વાપી રેલવે સ્ટેશને આવ્યા હતા. વાપી આવ્યા બાદ આ લોકો ત્યાંથી દમણ આવ્યાં હતાં.
આ લોકો તે બાદ દમણમાં જ રહેતા હતા અને હોટલ સિલ્વર લિફમાં નોકરી પર આવ્યા હતા. હાલમાં આ તમામ લોકોના રિપોર્ટ નેગેટિવ આવ્યા છે, આ 4 લોકોમાં કોરોનાના કોઈ જ લક્ષણો જોવા મળ્યા નથી. જોકે તેમ છતાં સાવચેતી રૂપે તેમના રિપોર્ટ લેબમાં મોકલવામાં આવ્યાં છે, જે પણ 48 કલાકમાં આવી જશે. અત્યાર સુધીમાં દમણમાં એકપણ કોરોના પોઝિટિવ કેસ નથી આવ્યો.
