સુરત અગ્નિકાંડના પગલે સરકાર દ્વારા બાળકોની સુરક્ષાને લઇને કડક વલણ અપનાવ્યું છે. ત્યારે દાહોદ જિલ્લામાં આરટીઓ અને ટ્રાફિક પોલીસ દ્વારા નિયમનું ઉલ્લંઘન કરીને શાળાના બાળકોનો વહન કરતા વાહનો પર કડક કાર્યવાહી કરવામાં આવનાર હોવાનું માહિતી સ્કૂલ વાહનચાલકોમાં પહોંચી ગઈ હતી. જેના કારણે તમામ વાહનચાલકોએ આરટીઓ અને ટ્રાફિક પોલીસની કાયદાકીય ગૂંચમાં ફસાવાના બદલે બાળકોને શાળામાં નહીં લઈ જવાનું નક્કી કર્યુ હતું. જેના કારણે વાહનમાં બેસીને શાળાએ અભ્યાસ કરવા જતાં બાળકો દિવસ દરમિયાન અટવાઇ પડ્યા હતા અને વિદ્યાર્થીઓના વાલીઓએ બાળકોને શાળાએ અભ્યાસ અર્થે મૂકવા જવાની ફરજ પડી હતી. શાળામાં વિદ્યાર્થીઓને લઈ જતાં વાહનચાલકો નિયમોનું ઉલ્લંઘન કરતા હોવાથી તેમનામાં ફફડાટ વ્યાપી જવા પામ્યો છે.
RTO દ્વારા રેડ પાડવામાં આવનાર હોવાના ડરે સ્કૂલ વાહનચાલકો ભૂગર્ભમાં ઉતરી ગયા
