છોટા ઉદેપુર: સંખેડા તાલુકાના કાવિઠા ગ્રામ પંચાયતમાં સરપંચ તરીકે ઉમેદવારી નોંધાવેલ (Model actress contesting for Sarpanch) મોડેલ અભિનેત્રી એશ્રા પટેલ જણાવે છે કે, ખાલી ને ખાલી મારે ગામવાસીઓની સેવા કરવી છે અને ખાસ કરીને એમના અધિકારો માટે, "હું લોક ડાઉનમાં જોયું છે કે, અહીંયા મોટાં ભાગના લોકો પોતાનાં ખિસ્સા ભરવા માટે કામ કરતાં હોય છે, પરંતુ મારે સરકારમાંથી જેટલી યોજનાઓ છે, તે બધી યોજનાઓ ગામ લોકોને મળે અને તે સિવાય મારી જેટલી ઓળખાણ છે એના દ્વારા પણ ગામલોકોનો વિકાસ થાય અને રોજગાર મળે એ મારી પ્રાથમિકતા રહેશે.
દીદી તમે સરપંચ બનો તો સૌ પ્રથમ બસ શરૂ કરાવજો
છેલ્લા ઘણાં સમયથી અમારા ગામમાં બસ આવતી હતી, તે પણ હવે બંધ થઈ છે, ગામના ઘણાં બધાં વિદ્યાર્થીઓ પણ મને કહ્યું કે " દીદી તમે સરપંચ બનો તો સૌ પ્રથમ બસ શરૂ કરાવજો " હું ઈચ્છું છું કે મારા ગામનાં બાળકો વધું ભણે અને વધું આગળ વધે, આપણા દેશમાં 70% લોકો ગામડાંમાં રહે છે, તો એ લોકોને પણ સારું શિક્ષણ મળી રહે એ પણ જરુંરી છે. ઘણાં લોકો એવું જ માનતા હોય છે કે, છોકરી છે તો એનું લગ્ન કરાવી દેવું, મારું નાનપણથી સ્વપ્ન હતું કે મારા પરીવારને આગળ લાવું એ માટે હું મુંબઈ ગઈ અને મુંબઈ ગયા બાદ મુંબઇએ મને ઘણું બધું આપ્યું છે, પરંતુ મારા માતા પિતા મને પેટે પાટા બાંધીને ભણાવી છે, તો હવે મને કઈક કરવાની ઈચ્છા છે કે હું મારા ગામ માટે પણ કઈક કરું, જેથી અમારી ગ્રામ પંચાયતની ચટણી માં સરપંચ તરીકે મહીલાની બેઠક આવતાં હું સરપંચ તરીકે ઉમેદવારી નોંધાવી છે."
મુંબઈ મને ઘણું બધું આપ્યું છે પરંતુ મારી પહેલી પ્રાથમિકતા મારું ગામ જ રહેશે
મોડેલ અને સરપંચ બન્ને પદ કઈ રીતે સંભાળશો એ અંગે ETV BHARAT સાથે વાત કરતા મોડલ અભિનેત્રી એશ્રા પટેલે જણાવ્યુ હતું કે, ગ્લેમર ઇન્ડસ્ટ્રીમાં મુંબઈ મને ઘણું બધું આપ્યું છે પરંતુ મારી પહેલી પ્રાથમિકતા મારું ગામ જ રહેશે, ધારો કે આપ ચૂંટણીમાં વિજેતા થાઓ તો ગામમાં રહેશો કે મુંબઈ રહેવા જશો? નાં જવાબમાં જણાવ્યું હતું કે મારા ગામમાં મોટાં ભાગના આદિવાસી લોકો છે, અને તે પણ નર્મદાનાં વિસ્થાપિતો છે, અને તેઓનો શૈક્ષણિક વિકાસ માટે અહીંયા જ કામ કરીશ, મૂળ છોટા ઉદેપુર જિલ્લાનાં કાવિઠા ગામની એશ્રા નરહરી પટેલ મુંબઈ ખાતે ટોચની બ્રાંડ માટે મોડેલ કરી રહી છે અને તેઓનાં પિતા કાવિઠા ગ્રામ પંચાયતનાં સરપંચ હતાં અને આ વર્ષ મહીલા ઉમેદવારની બેઠક જાહેર થતાં ગ્રામ પંચાયતની ચુંટણીમાં ઉમેદવારી નોંધાવી છે. એશ્રા પટેલ અમિતાભ બચ્ચન સાથે કેન્સર અવેરનેશ અને શાહરૂખ ખાન સાથે ફેર એન્ડ હેન્ડસમ માટે મોડેલિંગ કર્યું છે, ઉપરાંત પોન્ડ્સ, પેન્ટીન, પ્રોવોર્ગ, એશિયન પેન્ટ, રેમન્ડ શૂટિંગસ, સાથે 100 જેટલી બ્રાન્ડ માટે કામ કર્યું છે.
આ પણ વાંચો: Gram Panchayat Election Boycott in Kukma : કુકમાના લોકો પાયાગત સુવિધાઓથી વંચિત, ચૂંટણીનો બહિષ્કાર કરશે
આ પણ વાંચો: Gram Panchayat Election 2021 : આણંદ તાલુકાના સામરખા ગામમાં જામ્યો ચૂંટણીનો જંગ
