ઘટનાની વિગત અનુસાર અમદાવાદના કિશોર તથા યુવક એક્ટિવા પર કલોલના કાંઠા ગામ સ્થિત હકડશા માતાજીના મંદિરે દર્શન માટે ગયા હતા. રવિવારે વહેલી સવારે તેઓ દર્શન કરીને પરત ફરતા હતા ત્યારે સરઢવથી મોટીઆદરજ જતા રોડ પર એક ટ્રક ચાલકે એક્ટિવાને ટક્કર મારી હતી જેમાં વિમલ અને ચિરાગ નામના બંને ભાઈઓ રોડ પર પછડાયા હતા.
15 વર્ષીય વિમલના માથાના ભાગે ગંભીર ઈજાઓ પહોંચતા મોત થયું હતું. અકસ્માત બાદ MP-37-GA-2035નો ચાલક ટ્રક મુકી ભાગી છૂટ્યો હતો. અકસ્માતને પગલે મૃતક કિશોરના પિતા વિનોદભાઈ નટવરભઈ ચુનારાની ફરિયાદના આધારે પેથાપુર પોલીસે ગુનો નોંધી ટ્રક ચાલકને ઝડપી લેવા તપાસ શરૂ કરી છે.
