ગઢડા ગોપીનાથજી મંદિર વિવાદ : દેવપક્ષ દ્વારા બેઠક શરુ કરી પૂર્ણ કરી દેવામાં આવી

બોટાદ : ગઢડા ગોપીનાથજી મંદિરના ટ્રસ્ટી બોડની મળી બેઠક હતી. ચેરમેનની ચેમ્બરમાં જતા પહેલા પ્રિસાઈડિંગ બુકમાં સહી બાબતે વિવાદ સર્જાયો હતો. આચાર્ય પક્ષના ચેરમેનના દાવેદાર રમેશ ભગત તેમજ અન્ય ટ્રસ્ટીઓ સહી કરવાની સ્પષ્ટ ના પાડી હતી. કાયદો અને વ્યવસ્થા જાળવી રાખવા દેવપક્ષ તેમજ પોલીસ દ્વારા બંદોબસ્તની વ્યવસ્થા કરવામાં આવી હતી. આચાર્ય પક્ષના ટ્રસ્ટીઓ બેઠકમાં ન જતા દેવપક્ષ દ્વારા બેઠક શરુ કરી પૂર્ણ કરી દેવામાં આવી હતી.

• દેવપક્ષ દ્વારા બેઠક શરૂ કરી પૂર્ણ કરી દેવામાં આવી
• 6 ડિસેમ્બર ના રોજ ચેરમેન પદને લઈ વિવાદ સર્જાયો
• બેઠક મળે તે પહેલાજ વિવાદ સર્જાયો
• પ્રિસાઈડિંગ બુકમાં સહી બાબતે વિવાદ જોવા મળ્યો

બોટાદ : ગઢડા ગોપીનાથજી મંદિરના ટ્રસ્ટી બોર્ડની બેઠક મળી હતી. ચેરમેનની ચેમ્બરમાં જતા પહેલા પ્રિસાઈડિંગ બુકમાં સહી બાબતે વિવાદ સર્જાયો હતો. આચાર્ય પક્ષના ચેરમેનના દાવેદાર રમેશ ભગત તેમજ અન્ય ટ્રસ્ટીઓ સહી કરવાની સ્પષ્ટ ના પાડી હતી. કાયદા અને વ્યવસ્થાને ધ્યાને રાખી સહી કરવા માટે દેવપક્ષ તેમજ પોલીસ દ્વારા વ્યવસ્થા કરવામાં આવી હતી. જોકે, આચાર્ય પક્ષના ટ્રસ્ટીઓ બેઠકમાં ન જતા દેવપક્ષ દ્વારા બેઠક શરૂ કરી પૂર્ણ કરી દેવામાં આવી હતી.

બેઠક મળે તે પહેલા જ વિવાદ સર્જાયો

ગઢડા શહેરમાં આવેલા ગોપીનાથજી મંદિરમાં ગત ૬ ડિસેમ્બરના રોજ ચેરમેન પદને લઈ વિવાદ સર્જાયો હતો અને ત્યાર બાદ આ વિવાદ સતત ચર્ચામાં જોવામાં મળી રહ્યો છે. ત્યાર બાદ આ સમગ્ર મામલો ભાવનગર ચેરિટી કમિશનર પાસે પહોંચ્યો હતો. જેમાં આચાર્ય પક્ષ દ્વારા ૨ જાન્યુઆરી, ૨૦૨૧ના રોજ ટ્રસ્ટીઓની બેઠક બોલાવી હતી અને દેવપક્ષના હરજીવન સ્વામીએ ૩ જાન્યુઆરી, ૨૦૨૧ના ટ્રસ્ટીઓની બેઠક બોલાવી હતી. જેમાં આ મામલે ભાવનગર ચેરિટી કમિશનરમાં દેવપક્ષ દ્વારા અરજી કરવામાં આવી હતી કે, આચાર્ય પક્ષ દ્વારા ૨ જાન્યુઆરીએ બોલાવેલ બેઠક રદ્દ કરવામાં આવે જેને લઈ આચાર્ય પક્ષની બેઠક ઉપર સ્ટે આપ્યો હતો. આ બેઠક રદ્દ કરવાનો હુકમ કરાયો હતો, ત્યારે રવિવારે દેવપક્ષના હરીજીવન સ્વામી દ્વારા ટ્રસ્ટીઓની બેઠક બોલવામાં આવી હતી, પરતું બેઠક મળે તે પહેલા જ વિવાદ સર્જાયો હતો.

જાણો શું છે સમગ્ર વિવાદનો ઘટનાક્રમ?

6 ડિસેમ્બર : ગઢડા ગોપીનાથજી મંદિર સતત વિવાદમાં જોવા મળે છે. ત્યારે ફરી એક વખત આ મંદિર વિવાદમાં આવ્યું છે. દેવ પક્ષ સતામાં છે, ત્યારે આચાર્ય પક્ષના પાર્ષદ રમેશ ભગત દ્વારા પોતાના સભ્યો સાથે ચેરમેનની ઓફીસ પહોંચી પોતાના ત્રણ સભ્યો સાથે બહુમતી હોવાથી ચેરમેન તરીકે સતા સંભાળી.

7 ડિસેમ્બર : ગઢડા ગોપીનાથજી મંદિરમાં ચેરમેન પદના વિવાદને લઈને આજે આચાર્ય પક્ષના પૂર્વ ચેરમેન એસ.પી સ્વામીનો વીડિયો વાઇરલ થયો છે.

8 ડિસેમ્બર : સોમવારે આચાર્ય પક્ષના પાર્ષદ રમેશ ભગત પોતાના ટ્રસ્ટીઓ સાથે પોતે ચેરમેન પદ સ્વીકારી લીધેલ હોય ત્યારે મંદિર ખાતે દેવપક્ષના ટ્રસ્ટીઓની બેઠક યોજાઇ અને સંપૂર્ણ બહુમતી હોવાથી ચેરમેન પદ યથાવત રહ્યું.

9 ડિસેમ્બર : ગોપીનાથજી મંદિરમાં વકરેલો વિવાદ શાંત થવાનું નામ નથી લેતો ત્યારે મંદિરના ચેરમેને આચાર્ય પક્ષના SP સ્વામી, ઘનશ્યામવલ્લભ દાસજી અને પાર્ષદ રમેશ ભગત સામે ફરિયાદ નોંધાવી છે.

11 ડિસેમ્બર : ગઢડા ગોપીનાથજી મંદિરના ચેરમેન પદનો વિવાદ શાંત થવાનું નામ નથી લઇ રહ્યો તેવામાં મંદિરની ઓફિસમાં અશોભનીય વર્તન અને ગાળાગાળી કરતો બોટાદ DySP રાજદીપ નકુમ, મંદિરના ટ્રસ્ટીઓ અને સંતોનો એક વાઇરલ વીડિયો સામે આવ્યો છે.

13 ડિસેમ્બર : ગઢડા ગોપીનાથજી મંદિરના પૂર્વ ચેરમેન એસ.પી.સ્વામી દ્વારા પ્રેસ કોંન્ફરન્સનું આયોજન કરવામાં આવ્યું હતું. પ્રેસ કોન્ફરન્સમાં માં ડી.વાય.એસ.પી. રાજદીપસિંહ નકુમ દ્વારા કરવામાં આવેલ દાદાગીરી અને ગાળો બોલતો વીડિયો વાયરલ કર્યો હતો. હરિજીવન સ્વામી દ્વારા એસ.પી.સ્વામી પર અગાઉ લગાવેલ તમામ આક્ષેપને તેમને ફગાવ્યા હતા.

14 ડિસેમ્બર : ગઢડાના ગોપીનાથજી મંદિર ટ્રસ્ટમાં ચેરમેનનો વિવાદ હવે ભાવનગર સુધી પહોંચ્યો છે. દેવપક્ષ અને આચાર્ય પક્ષના બંને સાધુ સંતો ભાવનગર ચેરિટી કમિશનર કચેરીએ દોડી આવ્યા હતા. આચાર્ય પક્ષના એસપી સ્વામીએ જણાવ્યું કે, જે મિટિંગમાં આચાર્ય પક્ષના ચેરમેન આવ્યા છે, એ મિટિંગ પર સ્ટે લેવા દેવપક્ષના લોકો આવ્યા છે.

18 ડિસેમ્બર : ગઢડાના ગોપીનાથજી મંદિર દ્વારા વચનામૃત ગ્રંથને 201 વર્ષ પૂર્ણ થવાના અવસરે પ્રાગટ્ય દિનની ઉજવણી કરવામાં આવી હતી. મંદિરના સંતો દ્વારા ગ્રંથને પુષ્પ અને સૂકામેવાનો અભિષેક કરવામાં આવ્યો હતો. કોરોનાની ગાઈડ લાઈનના પાલન સાથે સમગ્ર કાર્યક્રમ સાદગીથી ઉજવવામાં આવ્યો હતો.

23 ડિસેમ્બર : બોટાદ જિલ્લાના ગઢડાના ગોપીનાથજી મંદિરના વિવાદ મામલે હવે ભાવનગરના હરિભક્તો મેદાનમાં આવ્યાં છે, અગાવ રમેશભગત ચેરમેન જાહેર થયા હોઈ ત્યારે તેની સાથે બનેલા ગેરવર્તણુક બનાવને વખોડીને હરિભક્તોએ કલેક્ટરને આવેદનપત્ર આપ્યું છે.

27 ડિસેમ્બર : ગોપીનાથજી મંદિરનો વિવાદને લઈ એસપી સ્વામીએ ડી.વાય.એસ.પી નકુમ દ્વારા ઓફિસમાં કરવામાં આવેલા ગેરવર્તનને લઈ ડી.જી.અને અને આઈ.જીને ફરિયાદ કરી હતી. જેને લઈ બોટાદ એલ.સી.બી.દ્વારા ચેરમેનના દાવેદાર રમેશ ભગતનો જવાબ માંગ્યો હતો.

3 જાન્યુઆરી : ગઢડા ગોપીનાથજી મંદિરના ટ્રસ્ટી બોર્ડના ચેરમેનના વિવાદ મામલે રવિવારના રોજ આચાર્ય પક્ષ દ્વારા બેઠકનું આયોજન કરવામાં આવ્યું હતું. જોકે, ભાવનગર ચેરીટી કમિશનર દ્વારા આ બેઠકની અરજી રદ્દ કરવામાં આવી હતી.