બોટાદઃ ધારાસભ્ય સૌરભ પટેલ દ્વારા સર્કિટ હાઉસ ખાતે એક પ્રેસ કોન્ફરન્સ યોજી માર્કેટિંગ યાર્ડ શરૂ કરવા જણાવ્યું છે. તેઓએ જણાવ્યુ કે, ખેડૂતોના કપાસ, ઘઉં, ચણા, જીરું વગેરે જેવા પાકોની ખરીદી કરવાનું શરૂ કરવામાં આવનાર છે.
તેમજ હાલની લોકડાઉનની પરિસ્થિતિને લઈને આવતા દિવસોમાં કેવી રીતે ખરીદી કરવી તે માર્કેટીંગ યાર્ડના ચેરમેન તથા અધિકારીઓ નક્કી કરશે. તેમજ વધુમાં જણાવ્યું કે હાલમાં સરકાર દ્વારા એવું નક્કી કરવામાં આવેલ છે કે વ્યાપારીઓને અને મજૂરોને સાથે ગામડે જવાની પરમિશન આપવામાં આવશે અને જે ખેડૂતને પોતાનો માલ વેચવા હોય તે ખેડૂત તથા વેપારી ભાવ નક્કી કરી માલ જોઈ અને સ્થળ પર જ સોદો નક્કી કરી શકે તેવી વ્યવસ્થા કરવામાં આવનાર છે. તેમજ જે ખેડૂતે તેમનો માલ વેચાણ કરેલ હોય એનું વજન નજીકના જીનમાં અથવા તો બંનેની સંમતિથી એપીએમસીમાં વજન કરવાનું રહેશે. તેમજ હરાજી માટે કેવી રીતે આગળ વધો અને સોશિયલ ડિસ્ટન્સ કેવી રીતે રાખવુ અને વેપારી તેમજ કમિશન એજન્ટ કેવી રીતે ખરીદી કરી શકે આ બધી બાબતોને ધ્યાનમાં લઇ માર્કેટીંગ યાર્ડના હોદ્દેદારો તેમજ અધિકારીઓ દ્વારા નક્કી કરી ટૂંક સમયમાં જ માર્કેટિંગ યાર્ડ શરૂ કરવામાં આવશે.
