ભાલમાં પાણીના પ્રશ્નને પગલે ગ્રામજનોએ આપ્યું આવેદન

ભાવનગરના ભાલના ગામડાઓમાં આવેલી ઘેલો અને કાળુભાર નદીના પાણીને પગલે ગામડાઓમાં પાણી ભરાયા અને ખેતરો પાણીમાં ગરકાવ થઈ ગયા છે. કાળિયાર જેવા પ્રાણીઓ પાણીમાં મર્યા છે, ત્યારે ગામડાઓની હાલત પાછળ અગરિયા હોવાનો આક્ષેપ ગ્રામજનોએ કર્યો છે અને આવેદન આપ્યું છે.

ભાવનગરઃ જિલ્લાના ભાલ પંથકમાં આવેલા ગામડાઓ ઘેલો અને કાળુભાર નદીના કારણે ગામડાઓના ખેતરોમાં અને ગામોના કેટલાક ભાગોમાં પાણી ભરાઈ ગયા છે. રોગચાળો અને અવર-જવર પર મુશ્કેલીને સામનો ઉભો થયો છે અને ગામડાના લોકોએ કલેકટરને આવેદનપત્ર પાઠવીને હાલાકી દૂર કરવામાં આવે તેવી માગ કરી રહ્યા છે.

ભાલના ગામડાઓમાં અને ખેતરોમાં પાણી ભરાવા પાછળ નવા અગરિયાઓને આપેલી જમીન અને બાદમાં અગરિયા દ્વારા કરાયેલા પાણીના કારણે જમીનમાં ફેલાઈને દરિયામાં જતા પાણીનો ક્ષેત્ર ઓછું થઈ ગયું અને પાણીએ ખેતરો અને ગામડાઓની જમીન પર પથરાવાનું શરૂ કર્યું હતું. જેથી અગરિયાની ઘટેલી પાણી માટેની જમીનની અછત વરસાદના પાણીએ ખેતરો અને ગામડાઓમાં પુરી કરી જેથી પરિસ્થિતિ એવી બની કે, ગામડાઓમાં પાણી ઘુસ્યા અને સંપર્કવિહોણા બન્યા હતા.

વરસાદના પાણીની આવક શરૂ હતી અને હાલમાં ગયેલી પૂનમના પગલે દરિયામાં પાણી સમાવવાને બદલે દરિયાએ પાણી પાછું ધકેલ્યું છે, જેથી પાણીનો સ્ત્રાવ અને ક્ષેત્ર વધ્યું અને ખેતરો સહિત અન્ય વિસ્તાર પાણીમાં ગરકાવ થયા છે. એટલું નહીં જે ગામડાઓ પણ કાળિયાર અભયારણ્યનો બાહ્ય વિસ્તારમાં પાણી ઘૂસવાને પગલે અનેક કાળિયાર મોતને ભેટ્યા છે, ત્યારે અગરિયાઓના પાળા તોડીને પાણીનો નિકાલ ખુદ તંત્રને કરવો પડ્યો જે સ્પષ્ટ કરે છે કે, ભ્રષ્ટાચાર થયો છે અને ખેડૂતો અને ગામડાઓની જિંદગીને ભયમાં મુકવામાં આવી છે, ત્યારે ભ્રષ્ટાચારની ગંધ આવતા તંત્ર હવે સાયન્ટિફિક રિસર્ચની પીપુડી વગાડી રહ્યું છે. ગામ લોકોએ તો ખુલ્લો આક્ષેપ કર્યો છે કે, અગરિયા તેનું કારણ છે એ જમીન ખુલ્લી કરી દેવામાં આવે તો પાણી વર્ષોથી જતું હતું અને જતું પણ રહે તેમ છે.