એક વર્ષની બાળકીના માથામાં ફસાયું કુક્કર, ડોક્ટર્સની મહેનત બાદ કુક્કર કાઢી શકાયું

ભાવનગરમાં એક વિચિત્ર કિસ્સો સામે આવ્યો છે. એક વર્ષની બાળકીના માથામાં કુક્કર ફસાયું હતું. તેના માતા-પિતા કુક્કર સાથે બાળકીને લઈને ભાવનગરની સર ટી હોસ્પિટલ લાવ્યા હતા પણ ડોક્ટરોથી કુક્કર નીકળ્યું નહીં અંતે કુક્કર કાપવા વાળા કારીગરને બોલાવ્યો અને તેને કુક્કરને કાપીને બાળકીને બચાવી શકાઈ હતી.

ભાવનગરઃ ભાવનગરમાં એક વિચિત્ર કિસ્સો સામે આવ્યો છે. એક વર્ષની બાળકીના માથામાં કુક્કર ફસાયું હતું. તેના માતા-પિતા કુક્કર સાથે બાળકીને લઈને ભાવનગરની સર ટી હોસ્પિટલ લાવ્યા હતા પણ ડોક્ટરોથી કુક્કર નીકળ્યું નહીં અંતે કુક્કર કાપવા વાળા કારીગરને બોલાવ્યો અને તેને કુક્કરને કાપીને બાળકીને બચાવી શકાઈ હતી.

બાળકે પોતાના ઘરે રમતા રમતા માથામાં કુકર ફસાવી દીધુ હતું. ઘરના લોકોએ પ્રયત્ન કરવા છતાં કુક્કર નહીં નીકળતા, બાળકને સર ટી. હોસ્પિટલ ખાતે તાત્કાલિક સારવાર વિભાગમા લઇ જવામાં આવ્યુ હતું. ફરજ પરના બાળરોગના ડોક્ટરે ઓર્થો પેડિક વિભાગના ડોકટર અને નર્સિંગ સ્ટાફે બુદ્ધિ પૂર્વકની સઘન 45 મિનિટની મહેનત બાદ તે બાળકના માથા માથી કુક્કર કાઢવામાં સફળ રહ્યા હતા.

એક વર્ષની બાળકીના માથામાં ફસાયું કુક્કર, બાળક હાલ સ્વસ્થ

આ દરમિયાન બાળરોગ વિભાગના ડોકટર ડો. મેહુલ ગોસાઈ, ડો. ઉન્નતિ શાહ, ડો. આદિત્ય નિખિલઈશ્વર, એડમીન હાર્દિક ભાઈ ગાથાણી, કૃષ્નાબેન, નર્સિંગ સ્ટાફ મનીષા બેન, તૃપ્તિ બેન અને સર ટી. હોસ્પિટલના આ રેસ્ક્યૂ ઓરેશનમાં જોડાયેલી ટીમના તમામ સભ્યો દ્વારા બાળકના વાયટલસ જેવા કે પલ્સ, ઓકસીજન લેવલ તમામનું સતત મોનીટરીંગ કરવામાં આવ્યું હતું અને બાળકના માથામાં ફસાયેલા આ કૂકરને સિફતપૂર્વક બાળકને કશી જ ઇજા ના થાય એ રીતે કાઢી લેવાયું હતું. અને ફરી એક વાર સર ટી. હોસ્પિટલના ડોકટરો, નર્સો અને તેમની ટીમની મહેનત રંગ લાવી હતી..

એક વર્ષની બાળકીના માથામાં ફસાયું કુક્કર, બાળક હાલ સ્વસ્થ