ભાવનગર: હવામાન વિભાગે કમોસમી વરસાદની આગાહી કરી છે. જેને પગલે ભાવનગર, આણંદ, ખેડા, દાહોદ, અરવલ્લી અને પંચમહાલ સહિતના પથંકમાં આજે વહેલી સવારે માવઠું પડ્યું હતું. ભાવનગર શહેરમાં ગત રાત્રે વાતાવરણમાં પલટો આવ્યો હતો. શહેરના પૂર્વ વિસ્તારમાં રાત્રે અને વહેલી સવારે માવઠું વરસતા ઠંડીમાં લોકોને બેવડી ઋતુનો માહોલ જોવા મળ્યો હતો. વાતાવરણનો પલટો કેટલાક પાકને નુકસાન કરનારો હોવાનું ચર્ચાઈ છે.
રાત્રે અને વહેલી સવારે ભાવનગરમાં વરસાદ: ભાવનગર શહેરમાં છેલ્લા ઘણા સમયથી લોકો ઠંડીની મજા માણી રહ્યો છે. છેલ્લા બે દિવસથી ઠંડીનું જોર ઘટ્યું હતું. બે દિવસથી ઠંડી ઘટતા વાતાવરણમાં પલટો જોવા મળ્યો હતો અને વાતાવરણમાં વાદળ જોવા મળતા માવઠાનો ડર હતો. ત્યારે હવામાન વિભાગની આગાહી બાદ માવઠું વરસતા લોકોને બેવડી ઋતુનો સામનો વહેલી સવારે કરવો પડ્યો છે.
ભાવનગરમાં કયા વિસ્તારમાં માવઠું?: ભાવનગર શહેરમાં મોડી રાત્રે માવડું થયું હતું. વાતાવરણમાં પલટો આવ્યા બાદ અચાનક રાત્રે વરસાદ વરસ્યો અને અડધા ભાવનગર શહેરમાં લોકોને ચોમાસાની અનુભૂતિ થઈ હતી. શહેરની વાત કરવામાં આવે તો આનંદનગર, સુભાષનગર, ભરતનગર જેવા દરિયાઈ પટ્ટી તરફના પૂર્વ વિધાનસભા વિસ્તારના વિસ્તારોમાં માવઠું વરસ્યું હતું. માવઠાને કારણે રસ્તાઓ પણ ભીંજાઈ ગયા હતા. રસ્તાઓ પાણી પાણી થઈ ગયેલા જોવા મળતા હતા. આમ ચોમાસાની બેવડું ઋતુમાં કયા વસ્ત્ર પહેરવા તે વિચારતા લોકોને માવઠાએ કર્યા હતા.
આ પણ વાંચો વિદેશી તો ઠીક નવસારીમાં સ્વદેશી પંખીઓ પણ ઘટ્યા, કકરાડ ખાલીખમ
ખેડૂતોમાં ચિંતાનો માહોલ: ભાવનગર શહેરમાં અને દરિયાઈ પટ્ટી પર માવઠું થતા શહેરવાસીઓ અને જિલ્લામાં ખેડુતો મૂંઝવણમાં મુકાયા હતા. ઘણા ખેતરોમાં ડુંગળી-બાજરો તૈયાર થઈ ગયા છે. ત્યારે કેરી આંબે ચણા જેવડી તૈયારી થઈ ગઈ છે ત્યારે માવઠું પાકને મુકશન કરવાની ભીતિ સેવાઈ રહી છે. અચાનક માવઠું થવાથી ખેડૂતો ચિંતિત બન્યા છે. આગામી દિવસોમાં પણ જો માવઠું પુનઃ થાય તો કેરી અને ઉભા ખેતરમાં તૈયાર ડુંગળી, બાજરા જેવા અન્ય પાકોને નુકશાન થવાથી ખેડૂતને આર્થિક માર પડી શકે છે. દર વર્ષે માવઠું થવાની બનેલી સ્થિતિ ગ્લોબલ વોર્મિંગને દર્શાવે છે.
આ પણ વાંચો Pathaan Box Office Collection Day 3: 'પઠાણ' 'બાહુબલી 2' અને 'KGF 2'નો આ રેકોર્ડ તોડી શક્યો નથી
વીજળીના કડાકાભડાકા સાથે વરસાદ: ભાવનગર ઉપરાંત પંચમહાલના ગોધરા સહિતના પંથકમાં કમોસમી વરસાદ વરસ્યો હતો. ભરશિયાળે વરસાદી ઝાપટાં પડ્યાં હતાં. વીજળીના કડાકાભડાકા સાથે વરસાદ વરસતાં મકાઈ, કપાસ સહિતના પાકોમાં નુકસાનની ભીતિ જોવા મળી રહી છે, જેથી ખેડૂતોમાં ચિંતાનો માહોલ ઊભો થયો છે.
