ભાવનગરઃ શહેર નજીકનાં વેળાવદર પોલીસ સ્ટેશન વિસ્તારમાં આવેલા ભડભીડના પાટીયા પાસેથી વિદેશી દારૂની 90 પેટી સાથે ૩ આરોપીને ઝડપી પાડવામાં આવ્યો હતો. જેમા એક આરોપીને કોરોના રિપોર્ટ પોઝિટિવ આવતા અન્ય 2 આરોપીને સમરસ ખાતે કવોરેન્ટાઇન કરવામાં આવ્યો હતો. આ આરોપી મોડી રાત્રીએ તકનો લાભ લઇ ફરાર થઇ જતા પોલીસે આ બન્ને આરોપીને ઝડપી પાડવા ચક્રોગતિમાન કર્યો છે.
વિદેશી દારુની પેટી સાથે ૩ આરોપીની ધરપક્ડ, 1 ઓરોપીને કોરોના પોઝિટિવ ભાવનગર શહેર પાસે આવેલા ભડભીડના પાટીયા પાસેથી બે દિવસ પહેલા વિદેશી દારૂની 90 પેટી સાથે ૩ આરોપીને વેળાવદર પોલીસ દ્વારા ઝડપી પાડવામાં આવ્યા હતા. ત્યારબાદ સરકારની ગાઈડલાઈન્સ અનુસાર આ ત્રણેય આરોપીનાં કોરોના ટેસ્ટ કરતા એક આરોપીનો કોરોના રિપોર્ટ પોઝિટિવ આવ્યો હતો. જયારે અન્ય બે આરોપીઓને સમરસ હોસ્ટેલ ખાતે ક્વોરેન્ટાઇન કરાયા હતા. મોડી રાત્રીના સમરસ ખાતે ક્વોરેન્ટાઇન કરેલા બે આરોપી તકનો લાભ લઈને સમરસ કોરોન્ટાઇન માંથી ફરાર થઇ જતા પોલીસે આ બન્ને આરોપી ને ઝડપી પાડવા ચેક પોસ્ટ પર ચક્રોગતિમાન કર્યા છે.
