ભાવનગરઃ શહેર સહિત જિલ્લામાં કોરોનાના દર્દીઓની સંખ્યામાં વધારો થઈ રહ્યો છે. અત્યારસુધી દર્દીઓની સંખ્યા 135 પાર પહોંચ્યો છે. છેલ્લા બે-ત્રણ દિવસમાં બે કેસ સામે આવ્યા છે.
શહેરમાં 6 જૂને વધુ એક કેસ સામે આવ્યો છે, ભરતનગર વિસ્તારમાં આવેલા ગાયત્રીનગર નજીક નિલકમલ સોસાયટીમાં રહેતા 26 વર્ષીય સંજયભાઈ રાઠોડ કોરોના પોઝિટિવ છે.
મળતી માહિતી પ્રમાણે, સંજયભાઈ અમદાવાદ ગયા હતા. પરત આવ્યા બાદ તેમની તબિયત લથડી ગઈ હતી. તેમને સર.ટી હોસ્પિટલમાં સારવાર માટે લઈ ગયા હતા. જ્યાં તેમનો રિપોર્ટ પોઝિટિવ આવ્યો હતો.
ઉલ્લેખનીય છે કે, ભાવનગરમાં સંક્રમિત દર્દીનો કુલ આંક 135 પર પહોંચી ગયો છે. જેમાં 107 લોકો સ્વસ્થ થઈ ગયા છે. જ્યારે 10 લોકોના મોત થયા છે.
