મહારાષ્ટ્રના ખંડાલા સ્થિત કલરની કંપનીમાંથી ટ્રક નંબર એમ એચ 12.એમવી 7678નો ચાલક રોહિત અશોક સાલુંકે કલરના ડબ્બા ભરી વડોદરાના છાણી ખાતે કંપનીમાં માલ આપવા જઈ રહ્યો હતો. ટ્રક ચાલકને ઊંઘ આવતા, તેને અંકલેશ્વર નેશનલ હાઇવે ઉપર આવેલ હોટલના કમ્પાઉન્ડમાં ટ્રક પાર્ક કરી સુઈ ગયો હતો. તે દરમિયાન અજાણ્યા તસ્કરોએ ટ્રકની તાડપત્રી અને દોરડું કાપી અંદર મુકેલા કલરના ડબ્બા, બોક્ષ અને પતરા સહીતની ઉઠાંતરી કરી ગયા હતા. ચોરાઈ ગયેલા મુદ્દામાલમાં 26 નંગ ડબ્બા મળીને કુલ 1.51 લાખ રૂપિયાના સામાનનો સમાવેશ થાય છે.
હોટલમાં પાર્ક કરેલા ટ્રકમાંથી 1.51 રૂપિયા લાખના કલરની ચોરી
આ ચોરી અંગે ટ્રક ચાલકે અંકલેશ્વર પોલીસ મથકે ફરિયાદ નોંધાવી છે. પોલીસે અજાણ્યા ઈસમો વિરૂદ્ધ ચોરીનો ગુનો નોંધી વધુ તપાસ હાથ ધરી છે.
