અંકલેશ્વરમાં ત્રણ માળનાં કાચા મકાનની દીવાલ ધરાશાઈ થઈ હતી તો, બીજી તરફ ભરૂચના મકાન પર વીજ પોલ પડતા દોડધામ મચી ગઈ હતી. ભરૂચ શહેર અને તાલુકાઓમાં મેઘરાજએ કૃપા વરસાવતા વાતાવરણમાં ઠંડક પ્રસરી ગઈ છે. અંકલેશ્વરમાં વરસાદી માહોલ વચ્ચે ચોકસી બજારમાં દુર્ઘટના સર્જાઈ હતી. જેમાં ગોરખચંદ સુનાણા નામના વ્યક્તિના ત્રણ માળના કાચા મકાનની દીવાલનો એક ભાગ ધરાશાઈ થતી દોડધામ મચી ગઈ હતી. જો કે, મકાન બંધ હાલતમાં હોવાના કારણે કોઈ જાનહાની થઇ ન હતી. આ ઘટનાની જાણ થતા જ નગર પાલિકા દ્વારા કાટમાળ હટાવવાની કાર્યવાહી હાથ ધરવામાં આવી હતી. ભરૂચનાં સોન તલાવડી વિસ્તારમાં મકાન પર વીજ પોલ ધરાશાઈ થતા દોડધામ મચી ગઈ હતી. આ ઘટનામાં વીજ કંપનીનાં કર્મચારીઓએ ઘટના સ્થળે દોડી આવી સમારકામ હાથ ધર્યું હતું.
મકાનની દીવાલનો એક ભાગ ધરાશાઈ
