ભરૂચ: રાજ્યમાં ચાલી રહેલા અનલોક દરમિયાન પણ કોરોના કેસમાં વધારો થઈ રહ્યો છે. ભરૂચ જિલ્લામાં લેવાયેલા 1,144 સેમ્પલ પૈકી બુધવારના રોજ કોરોના વાઇરસના 25 પોઝિટિવ કેસ નોંધાયા હતા. જિલ્લામાં કોરોના કેસની કુલ સંખ્યા 1,379 પર પહોંચી ગઈ છે.
ભરૂચ જિલ્લામાં કોરોના પોઝિટિવ કેસની સંખ્યા દિનપ્રતિદિન વધી રહી છે. ત્યારે બુધવારના રોજ નવા 25 પોઝિટિવ કેસ નોંધાયા હતા. જેમાં ભરૂચમાં 14, અંકલેશ્વરમાં 8, ઝઘડિયામાં 2 અને જંબુસરમાં કોરોનાનો એક પોઝિટિવ કેસ નોંધાયો હતો. બુધવારના રોજ 16 દર્દીઓ સાજા થતા રજા આપવામાં આવી હતી.
નવા નોંધાયેલા કેસની સાથે જિલ્લામાં કોરોના પોઝિટિવ કેસની કુલ સંખ્યા 1,379 પર પહોંચી છે. જે પૈકી 1,163 દર્દીઓ સાજા થતા રજા આપવામાં આવી હતી. તો જિલ્લામાં અત્યારે 191 દર્દીઓ સારવાર હેઠળ છે.
