અંકલેશ્વર: જિલ્લામાં ફૂડ એન્ડ ડ્રગ વિભાગે 500 કિલોથી વધુ અખાદ્ય માવા અને ફરસાણનો જથ્થાનો નાશ કર્યો હતો. હાલ લોક ડાઉનમાં મીઠાઇ, ફરસાણ અને માવા બનાવતી દુકાનો બંધ હાલતમાં છે, ત્યારે આ દુકાનોમાં અંકલેશ્વર નગરપાલિકાના ચીફ ઓફિસર પ્રશાંત પરીખની સૂચનાને પગલે નગરપાલિકાના સેનેટરી ઇન્સ્પેકટર રઘુવીરસિંહ મહીડા તેમજ ફૂડ એન્ડ ડ્રગ્સ ભરૂચના ડેઝીગનેટેડ ઓફિસર આર વલ્વી સહિતના અધિકારીઓએ મીઠાઈ, ફરસાણ અને દૂધ- માવાની બનાવટોનું વેચાણ કરતી દુકાનો અને ગોડાઉનમાં ચેકીંગ હાથ ધર્યું હતું.
જ્યાં તપાસ દરમિયાન અંદાજીત 587 કિલો અખાદ્ય જથ્થો જપ્ત કર્યો હતો. આ જથ્થા ઉપર જંતુનાશક પાવડરનો છંટકાવ કરી યોગ્ય જગ્યાએ નાશ કર્યો હતો.
