ભરૂચ: શહેર અને જિલ્લામાં કોરોના વાઇરસના કેસમાં ઉત્તરોત્તર વધારો થઇ રહ્યો છે. ગુરુવારે વધુ 19 નવા પોઝિટિવ કેસ સામે આવ્યા છે. જિલ્લામાં ગતરોજ 29 પોઝિટિવ કેસ સાથે નોધાયા હતા. ગુરુવારે 19 કેસ નોધાયા છે. જેમાં ભરૂચમાં 3, આમોદમાં 3, અંકલેશ્વરમાં 4, જંબુસરમાં 1, ઝઘડિયામાં 1, વાગરામાં 2, અને હાંસોટમાં કોરોના વાઇરસના 5 પોઝિટિવ કેસ નોધાયા છે. જેથી આ સાથેજ ભરૂચ જિલ્લામાં કોરોના પોઝિટિવ કેસની સંખ્યા 400 પર પહોચી છે.
9 દર્દીઓ સાજા થતા તેમને ગુરુવારે રજા આપવામાં આવી છે. જયારે અત્યાર સુધી કોરોના વાઇરસના કારણે 15 દર્દીના મોત થયા છે. તો 203 દર્દી સાજા થતા તેમને રજા આપવામાં આવી છે. 182 દર્દીઓ હાલ સારવાર હેઠળ છે.
