ડીસાની એંજલ સ્કૂલની અનોખી પહેલ, રિક્ષા ચાલકોને દિવાળી પર્વ નિમિત્તે ચેકનું વિતરણ કરાયું

સમગ્ર ભારતમાં કોરોના વાઈરસની મહામારીના કારણે અનેક નાના-મોટા ધંધા રોજગારો ઠપ થઈ ગયા છે. ત્યારે છેલ્લા ઘણા વર્ષોથી શાળાના બાળકોને સુરક્ષિત શાળાએથી ઘરે લઈ જતા રિક્ષાચાલકોની હાલત કફોડી બની છે. રવિવારના રોજ ડીસાની એંજલ સ્કૂલ દ્વારા આ તમામ રિક્ષા ચાલકોને રૂપિયા 5,000ના ચેકનું વિતરણ કરવામાં આવ્યું હતું.

• કોરોના વાઈરસની મહામારીના કારણે અનેક ધંધા-રોજગાર ઠપ
• બનાસકાંઠામાં ધંધા-રોજગાર ઠપ થતા રીક્ષાચાલકોની હાલત કફોડી
• ડીસાની એંજલ સ્કૂલ પરિવારની અનોખી પહેલ

ડીસાઃ કોરોના વાઈરસની મહામારીના કારણે સમગ્ર વિશ્વ ભારે હાલાકી ભોગવી રહ્યું છે, ભારતમાં પણ કોરોના મહામારીના કારણે લોકડાઉન કરવામાં આવ્યું હતું, જેના કારણે ભારત દેશમાં તમામ રોજગારો બંધ થયા હતા, જેના કારણે ચાર મહિના સુધી લોકોએ ભારે હાલાકીનો સામનો કરવો પડ્યો હતો. જે બાદ લોકડાઉન ખોલવામાં આવ્યું હતું, પરંતુ વધતા જતા કોરોના વાઈરસના કેસોના કારણે હાલમાં અનેક નાના-મોટા રોજગારો બંધ પડ્યા છે. જેના કારણે અનેક નાના પરિવારો ભારે મુશ્કેલીઓ મીઠી રહ્યા છે. બનાસકાંઠા જિલ્લામાં પણ વર્ષોથી અનેક પરીવારો નાના-મોટા ધંધા-રોજગાર સાથે સંકળાયેલા છે. પરંતુ કોરોનાની મહામારીના કારણે હાલમાં તમામ ધંધા રોજગારો બંધ હાલતમાં છે, જેના કારણે હાલમાં આવા નાના પરિવારોને પોતાના પરિવારનું ગુજરાન ચલાવું પણ મુશ્કેલ બની ગયું છે. સતત મંદીના કારણે હાલમાં બનાસકાંઠા જિલ્લાના અનેક ધંધા-રોજગાર પણ મૃત અવસ્થામાં છે.

બનાસકાંઠામાં ધંધા-રોજગાર ઠપ થતા રિક્ષાચાલકોની હાલત કફોડી

કોરોનાની મહામારીના કારણે બનાસકાંઠા જિલ્લામાં લોકડાઉન બાદ અનેક નાના-મોટા ધંધા-રોજગાર ઉપર મોટી અસર જોવા મળી રહી છે, ખાસ કરીને રોજે-રોજ જે પરિવારો કમાણી કરી અને પોતાના પરિવારનું ગુજરાન ચલાવતા હતા, તેવા પરિવારો પર હાલ સૌથી મોટી અસર જોવા મળી રહી છે. ખાસ કરીને બનાસકાંઠા જિલ્લામાં રીક્ષાઓ ચલાવી પોતાના પરિવારનું ગુજરાત ચલાવતા રિક્ષાચાલકોને સૌથી મોટી અસર જોવા મળી રહી છે. ડીસામાં 200થી વધુ રિક્ષાચાલકો શાળાઓના બાળકોને ઘરે લેવા અને શાળાએ મુકવા માટે વર્ષોથી જોડાયેલા છે. પરંતુ છેલ્લા 6 મહિનાથી શાળાઓ બંધ રહેતા આવા રિક્ષાચાલકોને ભારે મુશ્કેલીનો સામનો કરવો પડી રહ્યો છે. હિંદુ ધર્મનો સૌથી મોટો તહેવાર દિવાળી પર્વ જ્યારે નજીક આવી રહ્યો છે, ત્યારે આવા રિક્ષાચાલકોને દિવાળી પર્વ જવા માટે પૈસા પણ નથી. ત્યારે રવિવારે ડીસા ખાતે કાર્યરત એંજલ સ્કૂલ પરિવાર દ્વારા આવા તમામ રિક્ષાચાલકોને 5 હજારના ચેકોનું વિતરણ કરતા તમામ રિક્ષાચાલકોએ એંજલ સ્કૂલ પરિવારનો આભાર વ્યક્ત કર્યો હતો.

ડીસાની એંજલ સ્કૂલની અનોખી પહેલ, રીક્ષા ચાલકોને દિવાળી પર્વ નિમિત્તે ચેકનું વિતરણ કરાયું

ડીસાની એંજલ સ્કૂલ પરિવારની અનોખી પહેલ

ડીસાના રેલવે સ્ટેશન વિસ્તાર પાસે આવેલી એંજલ સ્કૂલ દ્વારા દર વર્ષે અનેક સેવાકિય પ્રવૃત્તિઓ કરવામાં આવે છે, દર વર્ષે એંજલ સ્કૂલ પરિવાર દ્વારા ગરીબોને દાન કરવુ, શિયાળામાં ગરીબ પરિવારોમાં ધાબળા વિતરણ કરવુ, સિવિલ હોસ્પિટલોમાં ગરીબ દર્દીઓને ફ્રુટ વિતરણ કરવું જેવી અનેક સેવાકીય પ્રવૃતિઓ દર વર્ષે કરવામાં આવે છે. ત્યારે રવિવારના રોજ ડીસાની એજન્સ સ્કુલ દ્વારા એક અનોખી પહેલ કરવામાં આવી હતી. જ્યારે કોરોનાની મહામારીમાં આખું વિશ્વ આર્થિક સંક્રમણ અનુભવી રહ્યું છે. ત્યારે ડીસાની એંજલ સ્કૂલમાં છેલ્લા દસ વર્ષથી શાળામાં અભ્યાસ કરતા બાળકોને સુરક્ષિત ઘરેથી શાળાએ અને શાળાએથી ઘરે મુકવામાં નિષ્ઠાપૂર્વક રીક્ષાઓ ચલાવી રહ્યા હતા. તેવા રિક્ષાચાલકોને રવિવારના રોજ એંજલ સ્કૂલ પરિવાર દ્વારા દિવાળી પર્વ નિમિત્તે પાંચ-પાંચ હજારના ચેક આપવામાં આવ્યા હતા અને અન્ય શાળાઓમાં પણ જોડાયેલા રિક્ષાચાલકોને દરેક શાળા પરિવાર દ્વારા જો આ રીતે સેવા કરવામાં આવે તો અન્ય લોકોની જેમ પણ આવા રિક્ષાચાલકો દિવાળી પર્વની અનોખી ઉજવણી કરી શકે.

ડીસાની એંજલ સ્કૂલની અનોખી પહેલ, રિક્ષા ચાલકોને દિવાળી પર્વ નિમિત્તે ચેકનું વિતરણ કરાયું