બનાસકાંઠામાં હિટ એન્ડ રનમાં બાળકીનું મોત, વાહનચાલક ફરાર

બનાસકાંઠાના ખીમાણા પાસે હાઈવે પર હિટ એન્ડ રનની ઘટના સામે આવી છે, જેમાં અજાણ્યા વાહનની ટક્કર લાગવાથી એક બાળકીનું મોત થયું છે. બનાવને પગલે પોલીસ કાફલો ઘટનાસ્થળે પહોંચી ગયો હતો અને બાળકીના મૃતદેહનો પોસ્ટમોર્ટમ માટે ખસેડી આગળની કાર્યવાહી હાથ ધરી છે.

• બનાસકાંઠાના ખીમાણા હાઇવે પર હિટ એન્ડ રનની ઘટના
• અજાણ્યા વાહનની ટક્કરે બાળકીનું મોત
• અકસ્માત બાદ પોલીસ કોફલો ઘટના સ્થળે પહોંચ્યો
  
  

બનાસકાંઠાઃ કાંકરેજ તાલુકાના ખીમાણા પાસે હાઈવે પર હિટ એન્ડ રનની ઘટનામાં એક બાળકીનું મોત થયું હોવાની ઘટના બની છે. ઘટનામાં 6 વર્ષીય બાળકી ખેતરેથી પોતાના ઘર તરફ જઈ રહી હતી તે સમયે હાઈવે પર પૂર ઝડપે આવી રહેલા અજાણ્યા વાહન ચાલકે બાળકીને અડફેટે લીધી હતા અને અકસ્માત સર્જી ફરાર થઈ ગયો હતો. અકસ્માતમાં વાહન સાથે અથડાઈને રોડ પર પટકાયેલી બાળકીને ગંભીર ઈજા થતા તેનું મોત થયું હતું.

અકસ્માતની જાણ થતાં પોલીસ કાફલો ઘટનાસ્થળે પહોંચ્યો

અકસ્માતની જાણ થતા જ સ્થાનિક પોલીસ તેમ જ આજુબાજુના લોકો ઘટનાસ્થળે દોડી આવ્યા હતા અને બાળકીના મૃતદેહનને પોસ્ટમોર્ટમ માટે સરકારી હોસ્પિટલ ખસેડી આગળની કાર્યવાહી હાથ ધરી છે.